ការរងប៉ះទង្គិចក្បាលភាគច្រើន គឺតែងកើតរួមមានជាមួយនឹងការរងរបួស ដែលមានសភាពស្រាល និងមិនបានតម្រូវឲ្យមានការសម្រាកពេទ្យ ។ តែទោះជាយ៉ាងណាក៏ដោយ អ្នកត្រូវតែប្រញាប់ហៅរកជំនួយពីក្រុមសង្គ្រោះបន្ទាន់ ឲ្យបាន ភ្លាមៗ ប្រសិនបើមានរោគសញ្ញាណាមួយដូចខាងក្រោមនេះបានកើតឡើង…
ការរងប៉ះទង្គិចក្បាលភាគច្រើន គឺតែងកើតរួមមានជាមួយនឹងការរងរបួស ដែលមានសភាពស្រាល និងមិនបានតម្រូវឲ្យមានការសម្រាកពេទ្យ ។ តែទោះជាយ៉ាងណាក៏ដោយ អ្នកត្រូវតែប្រញាប់ហៅរកជំនួយពីក្រុមសង្គ្រោះបន្ទាន់ ឲ្យបាន ភ្លាមៗ ប្រសិនបើមានរោគសញ្ញាណាមួយដូចខាងក្រោមនេះបានកើតឡើង ៖
ចំពោះមនុស្សពេញវ័យ
•ហូរឈាមយ៉ាងខ្លាំងនៅលើក្បាល ឬនៅលើមុខ ។
•មានការហូរឈាម ឬសារធាតុរាវលេចចេញពីត្រចៀក ឬច្រមុះ ។
•មានអាការឈឺក្បាលក្នុងកម្រិតធ្ងន់ ។
•មានការប្រែប្រួល ចំពោះកម្រិតនៃស្មារតី ក្នុងរយៈពេលយូរជាងពីរទៅបីវិនាទី ។
•មានការប្រែពណ៌ជាខ្មៅ ឬខៀវនៅខាងក្រោមភ្នែក ឬនៅខាងក្រោយស្លឹកត្រចៀក ។
•ឈប់ដកដង្ហើម ។
•មានភាពវង្វេងវង្វាន់ ។
•បាត់បង់លំនឹងរាយកាយ ។
•មានភាពទន់ខ្សោយ ឬមិនមានសមត្ថភាព ក្នុងការប្រើប្រាស់ដៃ ឬជើង ។
•ប្រស្រីភ្នែកមានទំហំមិនស្មើគ្នា ។
• មានការប្រកាច់ ។
•និយាយមិនច្បាស់ (លឺឡុលៗ ) ។
ចំពោះកុមារ
•មានសញ្ញា ឬរោគសញ្ហាណាមួយរបស់មនុស្សពេញវ័យ បានកើតឡើងចំពោះពួកគេ ។
•យំមិនព្រមបាត់ ។
•មិនព្រមញ៉ាំចំណីអាហារ ។
•មានស្នាមប៉ោងហើមនៅត្រង់បង្ហើយ នៅលើក្បាល ។
•ក្អួតហើយ ក្អួតទៀត ។
ប្រសិនបើការរងរបួសក្បាលក្នុងស្ថានភាពគ្រោះថ្នាក់កើតមាននោះអ្នកត្រូវ ៖
•រក្សាស្ថានភាពរបស់ជនរងគ្រោះឲ្យមានលំនឹងរហូតដល់ភ្នាក់ងារសង្គ្រោះផ្នែកវេជ្ជសាស្ត្របានមកដល់ ។ ដាក់ស្ថានភាពជនរងគ្រោះឲ្យសម្រាក និងរក្សាភាពស្ងប់ស្ងាត់ ដោយដាក់ក្បាល និងស្មារបស់ជនរងគ្រោះឲ្យបានខ្ពស់បន្តិច ។ មិនត្រូវផ្លាស់ប្តូរស្ថានភាពរបស់ជនរងគ្រោះទេ លុះត្រាតែវាស្ថិតក្នុងករណីចាំបាច់ និងជៀសវាងផ្លាស់ប្តូរលំនឹងករបស់ជនរងគ្រោះ។ ប្រសិនបើជនរងគ្រោះកំពុងពាក់មួកសុវត្ថិភាព នោះអ្នកមិនត្រូវដោះវាចេញទេ ។
•ឃាត់ឈាម ។ ដាក់សម្ពាធតឹងណែនសង្កត់ទៅលើមុខរបួសរបស់ជនរងគ្រោះជាមួយនឹងស្បៃ ឬក្រណាត់ស្តេរីល ។ ប៉ុន្តែអ្នកមិនត្រូវដាក់សម្ពាធដោយផ្ទាល់ទៅលើមុខរបួសទេ ប្រសិនបើអ្នកសង្ស័យថា ជនរងគ្រោះមានការបាក់ឆ្អឹងលលាដ៍ក្បាល ។
•ឃ្លាំមើល រាល់ការផ្លាស់ប្តូរចំពោះដង្ហើម និងកម្រិតស្មារតីរបស់ជនរងគ្រោះ ។
ប្រសិនបើជនរងគ្រោះមិនបានបង្ហាញពីសញ្ញានៃការធ្វើចលនារបស់ដំណើរឈាមរត់ (មានដូចជាការដកដង្ហើម, ការក្អក ឬការធ្វើចលនា) នោះអ្នកត្រូវចាប់ផ្តើមធ្វើចលនាសង្គ្រោះបេះដូងឲ្យបានភ្លាមៗ ៕
ចែករំលែកព័តមាននេះ