តាមប្រភពព័ត៌មាន Independent បានឲ្យដឹងថា Ronaldo កំពុងតែមានរបួសនៅស្មងជើង ដែលធ្វើឲ្យរូបគេមិនអាចចូលរួមការហ្វឹកហាត់ជាលើកទីពីរ មុនពេលទៅប្រកួតជាមួយនឹង Barcelona នៅថ្ងៃសៅរ៍ខាងមុខ ។
មានការភ័យខ្លាចថា Ronaldo អាចនឹងមិនបានចូលរួមប្រកួតជាមួយ Barcelona នាពេលខាងមុខ ព្រោះតែរូបគេមិនបានចូលហ្វឹកហាត់ពីរដងរួចមកហើយ ។
សារពីក្លឹប Real Madrid បានសរសេរថា ៖ “Cristiano Ronaldo ហ្វឹកហាត់តែម្នាក់ឯងដាច់ពីក្រុម ខណៈពេលដែល Luka ក៏ដូច្នោះដែរ ដោយរង់ចាំឲ្យរបួសជាសិន ។”
ទោះបីជា Real Madrid មិនបានបញ្ជាក់ពីរបួសរបស់ Ronaldo តែសាមីខ្លួនផ្ទាល់បានប្រាប់ថា ខ្លួនមានអាការឈឺជើងយ៉ាងខ្លាំង បន្ទាប់ពីប្រកួតជាមួយនឹង Gremio ។ Ronaldo សង្ឃឹមថា នឹងអាចជាសះស្បើយមុនពេលជួបនឹង Barcelona ៕
ចែករំលែកព័តមាននេះ