ខេត្តកំពត ៖ តាមសេចក្តីរាយការពីលោកវរសេនីយ៍ឯក សៅ សំអឿន ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តកំពត កាលពីថ្ងៃទី១៨ ខែធ្នូ ឆ្នាំ២០១៧ ថាបន្ទាប់ពីអធិការដ្ឋាននគរបាលស្រុកជុំគីរី ឃាត់បានម៉ូតូជាផលចោរកម្មចំនួន៨គ្រឿង ប៉ុន្តែពុំបានលំអិតពីម៉ាកម៉ូតូនោះទេកាលពីថ្ងៃទី១៦និង១៧ ខែធ្នូ ឆ្នាំ២០១៧ និងបានប្រកាសរកម្ចាស់ពីលោកឧត្តមសេនីយទោ ម៉ៅ ចន្ទ័មធុរិទ្ឋ ស្នងការខេត្តកំពត កាលពីរសៀលថ្ងៃទី១៩ ខែធ្នូ ឆ្នាំ២០១៧ ។
ក្នុងនោះឃើញជនរងគ្រោះជាម្ចាស់ម៉ូតូមកពីតាមបណ្តាខេត្តរាជធានីចំនួនបីនាក់មកទទួលយកម៉ូតូវិញចំនួនបីគ្រឿងដោយកាន់សំណុំឯកសាររបស់ម៉ូតូដែលបាត់នោះមកផ្ទៀងផ្ទាត់ និងម៉ូតូដែលសមត្ថកិច្ចបានរឹបអូសពីជនល្មើសមករក្សាទុកដើម្បីស្រាវជ្រាវរកម្ចាស់ឲ្យមកទទួលវិញនោះ ។
ក្នុងសេចក្តីរាយការបានឲ្យដឹងទៀតថា ជនរងគ្រោះជាម្ចាស់ម៉ូតូដែលបានមកទទួលយកម៉ូតូវិញពី ស្នងការខេត្តកំពតចំនួនបីនាក់នូវម៉ូតូចំនួនបីគ្រឿង និងនៅសល់ម៉ូតូចំនួន៥គ្រឿងទៀតកំពុងស្វែងរកម្ចាស់ បើមានបងប្អូនប្រជាពលរដ្ឋនៅតាមបណ្តាខេត្តរាជធានីណាមានបាត់ម៉ូតូដោយលួច ឬដោយប្រការណាមួយសូមកាន់ឯកសារមកទំនាក់ទំនងនៅការិយាល័ព្រហ្មទណ្ឌនៃស្នងការដ្ឋានខេត្តកំពតបើផ្ទៀងផ្ទាត់ទៅឃើញថា ពិតជាត្រឹមត្រូវសមត្ថកិច្ច និងប្រគល់ជូនបងប្អូនវិញម៉ូតូនៅសល់ចំនួន៥គ្រឿងទៀតមិនទាន់មានម្ចាស់មកទំនាក់ទំនង ៕
ចែករំលែកព័តមាននេះ