រាជធានីភ្នំពេញ ៖ គណៈបញ្ជការឯកភាពខណ្ឌចំការមន ចុះធ្វើសណ្តាប់ធ្នាប់សាធារណៈ និង រុះរើសំយាបតូបជាច្រើននៅតាមផ្លូវលេខ២៧១ នៅព្រឹកថ្ងៃទី២០ ខែធ្នូ ឆ្នាំ២០១៧ កម្លាំងគណៈបញ្ជាការឯកភាពខណ្ឌចំការមន…
រាជធានីភ្នំពេញ ៖ គណៈបញ្ជការឯកភាពខណ្ឌចំការមន ចុះធ្វើសណ្តាប់ធ្នាប់សាធារណៈ និង រុះរើសំយាបតូបជាច្រើននៅតាមផ្លូវលេខ២៧១ នៅព្រឹកថ្ងៃទី២០ ខែធ្នូ ឆ្នាំ២០១៧ កម្លាំងគណៈបញ្ជាការឯកភាពខណ្ឌចំការមន ដែលដឹកនាំដោយលោកព្រុំ សំខាន់ ជាអភិបាលនៃគណៈអភិបាលខណ្ឌចំការមនដឹកនាំកម្លាំងចុះរៀបចំសណ្តាប់ធ្នាប់សារធារណៈ និងធ្វើការរុះរើសំយាបតូប និងផ្ទះលក់ដូរមួយចំនួននៅតាមបណ្តោយផ្លូវលេខ២៧១ ម្តុំទល់មុខវត្តសន្សំកុសលផងដែរនោះ។
លោកព្រុំ សំខាន់ អភិបាលនៃគណៈអភិបាលខណ្ឌចំការមនបានប្រាប់ឱ្យដឹងថា ដើម្បីរៀបចំសណ្តាប់ធ្នាប់សារធាណៈនៅតាមដងផ្លូវ និងរំដោះចិញ្ចើមផ្លូវអំពីសំណាក់ប្រជាពលរដ្ឋមួយចំនួនយកធ្វើជាអាជីវកម្មផ្ទាល់ខ្លួននោះ ។ កម្លាំងរបស់លោកធ្វើការចុះណែនាំ និងធ្វើការរុះរើនូវសំយាប ឬតូបលក់ដូរមួយចំនួនដែលពួកគាត់បានយកធ្វើជាអាជីវកម្មអស់រយៈពេលជាយូរ មកហើយ ។
ការចុះប្រតិបត្តិការនេះលោកបញ្ជាឲ្យកម្លាំងរបស់លោកធ្វើការរុះរើនូវសំយាប ដូចជាតូប មួយចំនួនដែលពួកគាត់គ្មានលទ្ធភាពរុះរើចេញដោយខ្លួនឯងផងដែរ តែបើអាច លោកនឹងទុកឲ្យរយៈពេលពី៣ថ្ងៃ ទៅ១សប្តាហ៍ ដើម្បីធ្វើការរើដោយខ្លួនឯង បើមិនដូច្នោះទេ លោកនឹងដឹកនាំចុះមកធ្វើការរុះរើម្តងទៀតមិនខាន ។
គួរបញ្ជាក់ថា តាមបណ្តោយផ្លូវលេខ២៧១ ម្តុំមុខវត្តសន្សំកុសល និងបឹងទំពុននេះតែងមានការកកស្ទះចរាចរណ៍រាល់ថ្ងៃ ដោយប្រជាពលរដ្ឋមួយចំនួនយកចិញ្ចើមផ្លូវទៅធ្វើជីអាជីវកម្ម ហើយនៅពេលនេះដែរកម្លាំងសមត្ថកិច្ចមូលដ្ឋានក៏មានផែនការ និងធ្វើឲ្យបានផងដែរ ៕
ចែករំលែកព័តមាននេះ