ចិន៖ តាមប្រភពព័ត៌មាន Viral4real បានឲ្យដឹងថា ក្មេងស្រីម្នាក់អាយុ១០ឆ្នាំ បានផឹកថ្នាំសម្លាប់សត្វល្អិត ដើម្បីសម្លាប់ខ្លួន ព្រោះតែរៀនធ្លាក់ច្រើនមុខពេកនៅសាលា។ ក្មេងស្រីរៀនថ្នាក់ទីបួន នៅសាលា…
ចិន៖ តាមប្រភពព័ត៌មាន Viral4real បានឲ្យដឹងថា ក្មេងស្រីម្នាក់អាយុ១០ឆ្នាំ បានផឹកថ្នាំសម្លាប់សត្វល្អិត ដើម្បីសម្លាប់ខ្លួន ព្រោះតែរៀនធ្លាក់ច្រើនមុខពេកនៅសាលា។
ក្មេងស្រីរៀនថ្នាក់ទីបួន នៅសាលា Fengxian បានផឹកថ្នាំសម្លាប់ខ្លួននៅផ្ទះក្នុងទីក្រុង Xuzhou ខេត្ត Jiangsu ប្រទេសចិន។ មុននឹងស្លាប់ នាងបានសរសេរសំបុត្រ និងថតវីដេអូរយៈពេល៣នាទី ទុកជាពាក្យចុងក្រោយមុននឹងចាកចេញ។
ក្នុងសំបុត្រនោះ នាងសរសេរថា៖ «ម៉ាក់ប៉ា ខ្ញុំនឹងចាកចេញហើយ។ ខ្ញុំចង់ប្រាប់ពួកលោកថា ខ្ញុំពិតជាសុំទោសណាស់ ដែលធ្វើដូចនេះ។ ខ្ញុំចង់ទៅឋានសួគ៌ ហើយលាអ្នកទាំងអស់គ្នា។ ពេលដល់ខួបកំណើតខ្ញុំ សូមកុំភ្លេចដាក់នំខេកនៅមុខផ្នូរខ្ញុំផង។ អរគុណដល់អ្នកទាំងពីរ ដែលបានមើលថែខ្ញុំជារៀងរហូតមក។ ម៉ាក់ប៉ាវាយខ្ញុំ ព្រោះតែចង់ឲ្យខ្ញុំរៀនចេះ។ តែខ្ញុំសុំទៅមើលថែអ្នកទាំងពីរនៅឋានសួគ៌សិនហើយ។ ខ្ញុំមិនចង់ឲ្យអ្នកកើតទុក្ខទេ។ តែនេះជាអ្វីដែលខ្ញុំត្រូវតែធ្វើ»។
Liu Wei ដែលជាម្តាយរបស់ក្មេងស្រីខាងលើ បានប្រាប់ឲ្យដឹងថា កូនរបស់គាត់ពិតជាធ្លាក់ការប្រលងជាច្រើនមុខវិជ្ជាមែន ដល់ថ្នាក់គ្រូមិនឲ្យប្រលងទៀត ព្រោះខ្លាចទាញពិន្ទុសរុបក្នុងថ្នាក់ទាប។ នេះពិតជាសម្ពាធសម្រាប់ក្មេងមែនទែន។
គួរបញ្ជាក់ថា ការរៀនសូត្រជាផ្នែកមួយនៃការអប់រំ។ តែវាមិនមែនមានន័យថា រៀនមិនចេះ ធ្វើឲ្យជីវិតអស់ន័យឯណា។ ការបញ្ចប់ជីវិតព្រោះតែរឿងនេះ មិនមែនជាអ្វីដែលគួរធ្វើឡើយ៕
ចែករំលែកព័តមាននេះ