រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា កាលពីវេលាម៉ោង១១ជាងថ្ងៃទី១៨ ខែធ្នូនេះ សាកសពបុរសម្នាក់អណ្តែតទឹក ត្រូវបានគេប្រទះឃើញធ្វើឲ្យភ្ញាក់ផ្អើលយ៉ាងខ្លាំង នៅភូមិឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ ។
ជនរងគ្រោះខាងលើត្រូវបានគេស្គាល់ឈ្មោះថា ខាន់ វុទ្ធី អាយុ៣២ឆ្នាំ ស្នាក់នៅស្រុកស្ទូង ខេត្តកំពង់ឆ្នាំង ។ បច្ចុប្បន្នស្នាក់នៅរោងបុរីអង្គការដ្ឋានសំណង់មួយកន្លែង ។
តាមសេចក្តីរាយការណ៍បន្តថា នៅថ្ងៃទី១៦ ខែនេះជនរងគ្រោះបានមករកការងារធ្វើនៅភ្នំពេញ ដោយបានស្នាក់នៅការដ្ឋានបុរីអង្គរមួយយប់ ពេលជិតភ្លឺឈានចូលថ្ងៃទី១៧ទៅហើយនោះ មានបងប្អូនហៅឲ្យទៅជុះនោម ហើយជនរងគ្រោះជាមនុស្សមានជំងឺផងនោះ ស្រាប់តែលឺគេស្រែកថា មានប៉ូលិសគាត់ក៏បានរត់ទៅបាត់តែម្តង ។ រហូតមកដល់ថ្ងៃទី១៨ ខែនេះគ្រប់គ្នាភ្ញាក់ផ្អើលដោយប្រទះឃើញសពអណ្តែកទឹកទៅហើយ ។
ពេលនេះសមត្ថកិច្ចកំពុងតែធ្វើការត្រួតពិនិត្យ និងរកមូលហេតុបន្តរឿងនេះទៀត ៕
ចែករំលែកព័តមាននេះ