ជុំវិញ​ការ​ស្លាប់​សឹងមិនគួរឱ្យជឿរបស់ Jonghyun ដែល​ធ្វើ​ឱ្យ​កក្រើក​ពេញ​ប្រទេស​កូរ៉េ


កូរ៉េ​ខាងត្បូង ៖ តាម​ប្រភព​ព័ត៌មាន BBC បាន​ឲ្យ​ដឹង​ថា សមាជិក​ក្រុម​តារាចម្រៀង​កូរ៉េ Shinee ឈ្មោះ Jonghyun អាយុ​២៨​ឆ្នាំ ត្រូវ​បាន​គេ​ដឹង​ថា ស្លាប់​បាត់បង់​ជីវិត កាលពី​ម្សិលមិញ​ថ្ងៃ​ទី​១៨ ខែធ្នូ ឆ្នាំ​២០១៧ នា​វេលា​ម៉ោងជាង​៦​ល្ងាច​(​ម៉ោង​នៅ​ប្រទេស​កូរ៉េ​)​នៅ​ក្នុង​អា​ផាត​មិន ។

Jonghyun ដែល​មានឈ្មោះ​ពេញ​ថា Kim Jong-hyun គឹ​ជា​សមាជិក​ម្នាក់​ក្នុង​ក្រុម Shinee ដែល​ជា​ម្ចាស់​បទ Ring Ding Dong កាលពី​ប៉ុន្មាន​ឆ្នាំ​មុន ។ បើ​តាម The Korean Herald បាន​ឲ្យ​ដឹង​ថា Jonghyun ត្រូវ​បាន​គេ​បញ្ជូន​មក​មន្ទីរពេទ្យ​ជា​បន្ទាន់​ក្រោយ​ពេល​គេ​ប្រទះ​ភ្នែក​ឃើញ​សន្លប់​បាត់ស្មារតី​នៅ​ក្នុង​អា​ផាត​ផ្ទាល់ខ្លួន​ក្នុង​ទីក្រុង​សេ​អ៊ូ​ល ។

ប៉ូលិស​បាន​ប្រាប់​ថា នេះ​គឺជា​ករណី​សម្លាប់​ខ្លួន ដោយសារ​តែ​មុន​នឹង​ស្លាប់ Jonghyun បាន​ផ្ញើ​សារ​តាម​ទូរស័ព្ទ​ទៅ​បងស្រី​របស់​គេ ។ សារ​នោះ​បាន​ផ្ញើ​នៅ​ម៉ោង​៤​នឹង​៤២​ល្ងាច ។ ភ្លាម​ៗ​នោះ នាង​បាន​ទូរស័ព្ទ​ប្រាប់​ប៉ូលិស​ភ្លាម​ថា ប្អូនប្រុស​របស់​ខ្លួន​ប្រុង​នឹង​សម្លាប់​ខ្លួន ។ ពេល​ប៉ូលិស​ទៅ​ដល់​ក៏​ឃើញ Jonghyun សន្លប់ ហើយ​ក៏​ប្រញាប់​បញ្ជូន​ទៅ​មន្ទីរពេទ្យ Konkuk University ។ ជា​អកុសល​រូបគេ​បាន​ស្លាប់​រួច​ទៅ​ហើយ ។

គួរ​បញ្ជាក់​ផង​ដែរ​ថា សារ​ដែល​ផ្ញើ​ចូល​ទូរស័ព្ទ​របស់​បងស្រី Jonghyun បាន​សរសេរ​ថា «​វា​ពិតជា​ពិបាក​សម្រាប់​រូប​ខ្ញុំ​តាំងពី​ដើម​រហូត​មក​ដល់​ពេល​នេះ ។ សូម​ឲ្យ​ខ្ញុំ​ទៅ​ចុះ ហើយ​ប្រាប់​ខ្ញុំ​ថា​ខ្ញុំ​បាន​ខំប្រឹង​រួច​អស់ហើយ ។ នេះ​ជា​ការ​លា​ជា​លើក​ចុង​ក្រោយ​» ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សិល្បៈ​និង​តារា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ