ខេត្តឧត្តរមានជ័យ ៖ បុរសវយ័ចំណាស់៨០ឆ្នាំ ម្នាក់ ខណៈដើទៅដាក់ទ្រូខាងក្រោយផ្ទះ ស្រាប់តែកើតខ្យល់គរដេកដួលនៅក្នុងព្រៃស្លាប់ចោលប្រពន្ធកូន និងចៅ កាលពីវេលាម៉ោង៣ និង៣០នាទីល្ងាច ថ្ងៃទី១៧ ធ្នូ២០១៧ បានបង្កឱ្យមានការភ្ញាក់ផ្អើល។ ហេតុការណ៍នេះបានកើតឡើងនៅក្នុងភូមិចំប៉ាសុខ សង្កាត់កូនគ្រៀល ក្រុងសំរោង ខេត្តឧត្តរមានជ័យ។ ជនរងគ្រោះឈ្មោះ ច្រុច ហៃ ភេទប្រុស អាយុ៨០ឆ្នាំ ជានិវត្តជន រស់នៅភូមិរស់នៅក្នុងភូមិសង្កាត់កើតហេតុខាងលើ។
យោងតាមសម្តីសាច់ញាតិបានឱ្យដឹងថា មុនពេលកើតហេតុ ជីតារបស់ខ្លួននៅពេលរសៀលបានកាន់ទ្រូដើរចេញពីផ្ទះសំដៅទៅប្រឡាយទឹក ដែលស្ថិតនៅខាងក្រោយផ្ទះមានចម្ងាយ១០ម៉ែត្រ លុះដល់វេលាម៉ោងប្រមាណជាង៥ កូនចៅមានការឆ្ងល់ដោយមិនឃើញដើត្រឡប់មកវិញ ក៏ដើរតាមរកមើលស្រាប់តែបានឃើញដេកដួលស្លាប់បាត់ទៅហើយ ក្រោយមកក្រុមគ្រួសាបានរាយការណ៍ដល់សមត្ថកិច្ច។
នគរបាលក្រុងសំរោងបានឱ្យដឹងថា ក្រោយពីបានទទួលព័ត៌មានរាយការណ៍ពីក្រុមគ្រួសារជនរងគ្រោះរួចមក សមត្ថកិច្ច បានចុះទៅដល់កន្លែងកើតហេតុដើម្បីធ្វើការពិនិត្យឃើញថា សាកសពពិតជាស្លាប់ដោយសារតែកើតខ្យល់គមែន ហើយគ្មានអ្នកជួយសង្គ្រោះទើបបណ្តាលឱ្យស្លាប់ សាកសពត្រូវបានសមត្ថកិច្ចប្រគល់ទៅឱ្យសាច់ញាតិធ្វើបុណ្យតាមប្រពៃណី៕
ចែករំលែកព័តមាននេះ