រាជធានីភ្នំពេញ ៖ កម្លាំងកងរាជអាវធហ្ថខណ្ឌដូនពេញ បានធ្វើការដកហូតម៉ូតូស៊េរីថ្មីម៉ាកហុងដា C១២៥ ឆ្នាំ២០១៨ យកមករក្សាទុក ក្រោយពីបុរសជាជនសង្ស័យម្នាក់បានជិះទៅធ្វើសកម្មភាពលួចយកទូរស័ព្ទដៃម៉ាក iPhone7 plus…
រាជធានីភ្នំពេញ ៖ កម្លាំងកងរាជអាវធហ្ថខណ្ឌដូនពេញ បានធ្វើការដកហូតម៉ូតូស៊េរីថ្មីម៉ាកហុងដា C១២៥ ឆ្នាំ២០១៨ យកមករក្សាទុក ក្រោយពីបុរសជាជនសង្ស័យម្នាក់បានជិះទៅធ្វើសកម្មភាពលួចយកទូរស័ព្ទដៃម៉ាក iPhone7 plus មួយគ្រឿងពីហាងលក់ខោអាវមួយកន្លែង ហើយត្រូវបានស្ត្រីជាជនរងគ្រោះបានធ្វើការស្រាវជ្រាវតាមប្រព័ន្ធ iCloud ប្រទះឃើញតែម៉ូតូយកទៅបញ្ឈរទុកចោលនៅខាងមុខផ្ទះមួយកន្លែង ។
ហេតុការណ៍នេះដែរ បានកើតឡើងកាលពីវេលាម៉ោង0២ រសៀល ថ្ងៃទី១៥ ខែធ្នូ ឆ្នាំ២០១៧ នៅចំណុចខាងមុខផ្ទះគ្មាលេខ ច្រកឌឿងហែម ផ្លូវសហព័ន្ធរុស្ស៊ី ក្នុងសង្កាត់ស្រះចក ខណ្ឌដូនពេញ។ តាមប្រភព័ត៌មានពីបុរសម្នាក់បានអះអាងថា ប្អូនស្រីរបស់គាត់មានឈ្មោះ អាម៉ី អាយុ២៣ឆ្នាំ មុខរបរលក់ខោអាវ មានទីលំនៅតាមបណ្តោយផ្លូវលេខ២៧១ ក្នុងខណ្ឌទួលគោក ។ មុនពេលកើតហេតុ ប្អូនស្រីរបស់គាត់បានទុកទូរស័ព្ទម៉ាក iPhone7 plus ពណ៌ខ្មៅមួយគ្រឿងនៅលើខោអាវ ដែលនាងដាក់លក់ក្នុងហាង ពេលនោះនាងក៏បានចូលទៅក្នុងផ្ទះ ពេលដើរចេញមកក្រៅវិញ ក៏ស្រាប់តែបានឃើញបុរសម្នាក់ជិះម៉ូតូម៉ាកហុងដា C១២៥ ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ ភ្នំពេញ ១GS-៨៦៧០ មួយគ្រឿង លួចយកទូរស័ព្ទដៃរបស់នាង រួចហើយឡើងជិះម៉ូតូគេចខ្លួនបាត់ស្រមោល ។
តាមប្រភពដដែលក៏បានប្រាប់បន្តទៀតថា ដោយទូរស័ព្ទដៃរបស់នាងមានភ្ជាប់ប្រព័ន្ធ iCloud និងចាំស្លាកលេខម៉ូតូរបស់ជនសង្ស័យជិះធ្វើសកម្មភាពនោះ នាងក៏បានធ្វើការស្រាវជ្រាវរកឃើញនៅចំណុចខាងលើ ហើយក៏ប្តឹងកម្លាំងអាវុធហត្ថដែលនៅក្បែរនោះឲ្យជួយតាមរក ហើយឃើញតែម៉ូតូដែលជិះធ្វើសកម្មភាព ចំណែកឯបុរសជាជនសង្ស័យរត់គេចខ្លួនបាត់ស្រមោល ។ ក្រោយពេលកើតហេតុ កម្លាំងមានសម្ថកិច្ចក៏បានដកហូតយកម៉ូតូស៊េរីឆ្នាំ២០១៨ ដែលជនសង្ស័យជិះធ្វើសកម្មភាពយកមករក្សាទុក និងនាំស្ត្រីរងគ្រោះមកដាក់ពាក្យបណ្តឹងនៅមូលដ្ឋានកងរាជអាវុធហត្ថខណ្ឌដូនពេញ ដើម្បីធ្វើការស្រាវជ្រាវរកចាប់ខ្លួនបុរសជាជនសង្ស័យម្នាក់ខាងលើយកមកធ្វើការផ្ដន្ទាទោសទៅតាមផ្លូវច្បាប់ជាបន្តទៅទៀត ៕
https://youtu.be/l6OMecqJoNg
ចែករំលែកព័តមាននេះ