ក្មេងអាយុ៦ឆ្នាំសោះ រកលុយបាន១១លានដុល្លារ ធ្វើម៉េចទៅនៀក
អាមេរិក ៖ តាមប្រភពព័ត៌មាន Oddity Central បានឲ្យដឹងថា ក្មេងប្រុសអាយុ៦ឆ្នាំម្នាក់ ដែលជាម្ចាស់គណនេយ្យ Youtube ឈ្មោះ…
អាមេរិក ៖ តាមប្រភពព័ត៌មាន Oddity Central បានឲ្យដឹងថា ក្មេងប្រុសអាយុ៦ឆ្នាំម្នាក់ ដែលជាម្ចាស់គណនេយ្យ Youtube ឈ្មោះ Ryan Toys Review អាចរកចំណូលបាន១១លានដុល្លារក្នុងមួយឆ្នាំ ពីការបង្ហោះវីដេអូរបស់ខ្លួន។
Ryan បានជាប់នៅក្នុងតារាង Youtuber ទាំង១០ ដែលអាចរកលុយបានច្រើនជាងគេប្រចាំឆ្នាំ២០១៧។ ដោយឈរក្នុងលំដាប់ទី៨ Ryan បានបង្ហោះវីដេអូរបស់ខ្លួនលេងបាយឡុកបាយឡជាលើកដំបូងនៅខែមីនា ឆ្នាំ២០១៥។ មុនដំបូងឡើយ គេមិនសូវជាស្គាល់ Ryan ប៉ុន្មានទេ។ តែក្រោយមក អ្នកដែល Subscribe កើនឡើងដល់ទៅ១០លាននាក់។
ថ្វីត្បិតតែគណនេយ្យនោះដាក់ឈ្មោះរបស់ Ryan តែម្តាយរបស់គេទេ ជាអ្នកចាត់ចែងធ្វើវីដេអូ។ នាងគឺជាអ្នកថត ហើយកាត់តគ្រប់យ៉ាង។ Ryan គ្រាន់តែធ្វើជាអ្នកចេញមុខនៅក្នុងវីដេអូនោះប៉ុណ្ណោះ។
គួរបញ្ជាក់ថា ទៅថ្ងៃអនាគត Ryan អាចនឹងឈប់ថតវីដេអូបង្ហាញពីបាយឡុកបាយឡតទៅទៀត ព្រោះថា គេនឹងធំលូតលាស់។ ម្តាយរបស់គេបង្ហើបថា វីដេអូទាក់ទងនឹងរបស់ក្មេងលេង អាចនឹងលែងមាននៅពេលដែល Ryan អស់ចំណង់ក្នុងការលេងវា៕
ចែករំលែកព័តមាននេះ