រាជធានីភ្នំពេញ ៖ នៅក្នុងពិភពសិល្បៈហូលីវូដ តារាប្រុសជាច្រើន រួមទាំងអ្នកដឹកនាំរឿងលំដាប់ជួរមុខជាច្រើនរូបត្រូវបានចោទប្រកាន់រឿងប្រព្រឹត្តិ អំពើអសីលធម៌ផ្លូវភេទ ។
ក្រោយការស៊ើបអង្កេត អ្នកដឹកនាំរឿង និងតារាសម្តែងខ្លះត្រូវបណ្តេញចេញពីការងារដោយសារតែការប្រព្រឹត្តិអំពើបៀតបៀនស្ត្រីអ្នកសម្តែង ក៏ដូចជាអ្នកផាត់មុខរបស់ខ្លួន។
ពាក់ព័ន្ធនឹងការចោទប្រកាន់បែបនេះ មិនមែនកើតមាននៅតែហូលីវូដទេ នៅប្រទេសកូរ៉វិញក៏ជោកជាំទៅដោយរឿងអាស្រូវបែបនេះ ដែលមានករណីខ្លះតារាចម្រៀង ឬតារាសម្តែងស្រីបានធ្វើអត្តឃាត ដោយមិនអាចទ្រាំទ្រនឹងសម្ពាធផ្លូវចិត្តផ្តើមចេញពីការបៀតបៀនមិនឈប់មិនឈរពីម្ចាស់ផលិតកម្ម ឬអ្នកដឹកនាំរឿងជាដើម ។
ខាងក្រោមនេះ គឺជាឥស្សរជនក្នុងហូលីវូដដែលពើបប្រទះ ឬក៏ត្រូវបានរកឃើញថាប្រព្រឹត្តិអំពើ«អសីលធម៌ផ្លូវភេទ» ៖
១- លោក Harvey Weinstein ៖ អ្នកផលិតខ្សែភាពយន្តដែលមានឥទ្ធិពលខ្លាំងរូបនេះ ត្រូវបានគេចោទប្រកាន់ពីបទចាប់រំលោភ បំពាន ឬរំខានយាយីស្ត្រីរាប់សិបនាក់ រួមមានមាន Rose McGowan, Ashley Judd, Lupita Nyong’o និង Paz de la Huerta ។ ជាលទ្ធផលគាត់ត្រូវបានបណ្តេញចេញពីក្រុមហ៊ុនរបស់គាត់ ហើយត្រូវបានបណ្តេញចេញពីសាលាផងដែរ។
២- លោក David Blaine៖ ប៉ូលិសបានបើកការស៊ើបអង្កេតទៅការអះអាងរបស់នាង Natasha Prince ដែលចោទប្រកាន់តារារូបនេះរឿងបៀតបៀនផ្លូវភេទ។ យ៉ាងណាមិញលោក Marty Singer ដែលជាមេធាវីរបស់លោក Blaine បាននិយាយថា កូនក្តីរបស់លោកមិនបានប្រព្រឹត្តិដូចការចោទប្រកាន់នោះទេ។
៣- លោក James Toback៖ ផលិតកររូបនេះរងការចោទប្រកាន់ដោយតារាៗ និងនារីភេទជិត ៤០នាក់រឿងបៀតបៀនកេរ្តិ៍ភេទ។
៤- លោក Kevin Spacey
៥- លោក Andy Dick៖ តារាកំប្លែងដ៏ល្បីរូបនេះត្រូវបានបណ្តេញចេញពីការងារដោយសារបៀតបៀននិងបំពានផ្លូវភេទនារីៗ។
៦- លោក Dustin Hoffman៖ ផលិតកររូបនេះត្រូវរងការចោទប្រកាន់រឿង អសីលធម៌ផ្លូវភេទ លើជំនួយការរបស់លោកផងដែរ ។
យ៉ាងណាមិញ នៅមានផលិតករល្បីៗជាច្រើនរូបទៀតដែលបានរងការចោទប្រកាន់ ដែលយើងនឹងធ្វើការផ្សាយបន្តនៅលេខក្រោយ៕
ចែករំលែកព័តមាននេះ