រាជធានីភ្នំពេញ ៖ គណៈកម្មាធិកាជាតិរៀបចំការបោះឆ្នោត (គ.ជ.ប) នៅព្រឹកថ្ងៃទី១៥ខែធ្នូ នេះ បានប្រកាសជាផ្លូវការសម្រាប់ការចូលកាន់តំណែងរបស់លោក នុត សុខុម អនុប្រធាន (គ.ជ.ប) ថ្មី ជំនួយកន្លែងលោកគួយ ប៊ុនរឿន ដែលបានលាឈប់ពីតំណែងកាលពីពេលថ្មីនេះ។
គ.ជ.ប មានសមាជិកចំនួន៩រូប ដែលក្នុងនោះ១រូបជាប្រធាន និងអនុប្រធាន១រូប ។ តាមច្បាប់សមាភាពទាំងនោះត្រូវបានរដ្ឋសភាបោះឆ្នោតជ្រើសតាំងសម្រាប់គណបក្សដែលមានអាសន្នៈក្នុងសភាបច្ចុប្បន្ន។ លោក នុត សុខុម បានថ្លែងនៅពេលចូលកាន់តួនាទីថា កម្មវិធិនេះ គឺមានការបង្ហាញខ្លួនសមាជិកថ្មីដែលត្រូវបានចូលកាន់តំណែងបីនាក់ ដែល២រូបផ្សេងទៀត គឺលោក ហែល សារ៉ាត់ និង លោកឌឹម សុវណ្ណារ៉ុម។
លោក នុត សុខុម ដែលជាអតីតអនុប្រធានគណបក្សហ៊្វុនស៊ិនប៉ិច និងអតីតរដ្ឋមន្ត្រីក្រសួងសុខាភិបាល មានប្រសាសន៍ថា ពួកគាត់ដែលចូលកាន់តំណែងផ្លូវការនេះ គឺមានមោទនភាពក្រៃលែងដែលអង្គសភាបោះឆ្នោតផ្តល់ការទុកចិត្តកាលពីថ្ងៃទី៧ ធ្នូ និងបានស្បថនៅក្នុងព្រះរាជវាំងកាលពីថ្ងៃទី១២ ធ្នូ ។
អនុប្រធាន គ.ជ.បថ្មីរូបនេះបានលើកឡើងថា៖ «ការចូលកាន់តំណែងរបស់សមាជិកថ្មីដើម្បីបន្តនិរន្តភាពនៃ គ.ជ.ប ក្នុងការបម្រើសង្គមជាតិ និងប្រជាជន»។ លោកសង្ឃឹមថា ឆ្នាំថ្មី ឆ្នាំ២០១៨ខាងមុខនេះ គ.ជ.ប នឹងមានការងារច្រើនដែលត្រូវធ្វើសម្រាប់ស្ថាប័ន គ.ជ.ប នេះ។
លោក ស៊ិក ប៊ុកហុក ប្រធាន គ.ជ.ប បានថ្លែងក្នុងពិធីចូលកាន់តំណែងរបស់សមាជិកថ្មីថា លោកសូមស្វាគមន៍ចំនួនសមាជិកថ្មីទាំង៣រូប ដែលត្រូវបានសភាតែងតាំងជាអនុប្រធាន និងសមាជិកថ្មីទាំងបីរូបនេះ ជំនួសអ្នកសុំលាលែងការពីថ្ងៃទី២០ វិច្ឆិកា ២០១៧៕
ចែករំលែកព័តមាននេះ