សារឿន ច័ន្ទ និងមាស ច័ន្ទមាន ជួបជើងខ្លាំងថៃដូចគ្នា ថ្ងៃសុក្រនេះ
- ភ្នំពេញ
រាជធានីភ្នំពេញ ៖ នៅលើសង្វៀនទូរទស្សន៍ MyTV នាយប់ថ្ងៃសុក្រ ទី១៥ ធ្នូ អ្នកប្រដាល់ជើងខ្លាំងកម្ពុជាចំនួន២រូបគឺសារឿន ច័ន្ទ មកពីក្លិបតាព្រហ្មមានជ័យ…
រាជធានីភ្នំពេញ ៖ នៅលើសង្វៀនទូរទស្សន៍ MyTV នាយប់ថ្ងៃសុក្រ ទី១៥ ធ្នូ អ្នកប្រដាល់ជើងខ្លាំងកម្ពុជាចំនួន២រូបគឺសារឿន ច័ន្ទ មកពីក្លិបតាព្រហ្មមានជ័យ…
រាជធានីភ្នំពេញ ៖ នៅលើសង្វៀនទូរទស្សន៍ MyTV នាយប់ថ្ងៃសុក្រ ទី១៥ ធ្នូ អ្នកប្រដាល់ជើងខ្លាំងកម្ពុជាចំនួន២រូបគឺសារឿន ច័ន្ទ មកពីក្លិបតាព្រហ្មមានជ័យ និងមាស ច័ន្ទមាន
មកពីសមាគមកីឡាប្រដាល់ក្រសួងការពារជាតិត្រូវបានគេរៀបចំឱ្យជួបប្រកួតជាមួយកីឡាករថៃនៅក្នុងកម្មវិធីប្រដាល់Ganzberg Uber Fighters។
អ្នកនិយមទស្សនាកីឡាប្រដាល់កំពុងតែទន្ទឹងរង់ចាំមើលថាតើកីឡាករកម្ពុជាទាំង២រូបនេះអាចយកឈ្នះគូប្រកួតរបស់ខ្លួនបានដោយរបៀបណាខណៈកីឡាករថៃដែលពួកគេត្រូវជួបនៅពេលនេះហាក់មានសមត្ថភាពខ្លាំងមិនធម្មតាបែបហ្នឹងនោះ។
សារឿន ច័ន្ទ ត្រូវជួបប្រកួតជាមួយកីឡាករថៃ ឈ្មោះនូប៉េ ឆឆើតឆ័យ ក្នុងប្រភេទទម្ងន់៦០គីឡូក្រាម ។ សារឿន ច័ន្ទ ធ្លាប់ប្រកួត១០១ដង ឈ្នះ៧៤ដង ចាញ់២៤ដង ស្មើ៣ដង និងផ្ដួលគូប្រកួតឱ្យសន្លប់១៨ដង ក្នុងពេលកីឡាករថៃជាដៃគូធ្លាប់ប្រកួត៨៥ដង ឈ្នះ៦៧ដង ចាញ់១៦ដង ស្មើ២ដង និងផ្ដូលគូប្រកួតឱ្យសន្លប់៩ដង ។ ទោះបីសារឿន ច័ន្ទ មានប្រវត្តិប្រកួតច្រើនជាងមែនប៉ុន្តែមិនប្រាកដថាអាចផ្ដួលគូប្រកួតដែលជាជើងខ្លាំងមកពីថៃបានឬអត់នោះទេ ។
ចំណែកមាស ច័ន្ទមាន ត្រូវជួបប្រកួតជាមួយកីឡាករថៃឈ្មោះធីដេត ឡូងើន ក្នុងប្រភេទទម្ងន់៦៣,៥គីឡូក្រាម ។ គូនេះសារឿន ច័ន្ទ ធ្លាប់ប្រកួត១១៦ដង ឈ្នះ៨៦ដង ចាញ់២១ដង ស្មើ៥ដង និងផ្ដួលគូប្រកួតឱ្យសន្លប់២០ដង ក្នុងពេលកីឡាករថៃវិញធ្លាប់ប្រកួត៨៦ដង ឈ្នះ៦៩ដង ចាញ់១៤ដង ស្មើ៣ដង និងផ្ដួលគូប្រកួតឱ្យសន្លប់១១ដង ។
គូអន្តរជាតិទាំង២គូនេះមិនធ្លាប់ជួបគ្នាពីមុនមកទេ ដូច្នេះមិនអាចវាយតម្លៃទុកមុនថា អ្នកណាខ្លាំងជាងអ្នកណាបានឡើយទោះបីកីឡាករកម្ពុជាមានប្រវត្តិប្រកួតច្រើនជាងកីឡាករថៃក៏ដោយដូច្នេះមានតែរង់ចាំមើលការប្រកួតជាក់ស្ដែងនៅលើសង្វៀនប៉ុណ្ណោះ។
រីឯគូប្រកួតមិត្តភាពធម្មតាវិញ កីឡាករ ឈឿត វាសនា មកពីក្លិបគីសែមានរិទ្ធ ប្រកួតជាមួយកីឡាករ ម៉ាត់ ពន្លក មកពីក្លិបមរតកគុនខ្មែរ និងកីឡាករ លន បញ្ញា មកពីសមាគមកីឡាប្រដាល់ក្រសួងការពារជាតិ ប្រកួតជាមួយកីឡាករ ឡុង ជិន មកពីក្លិបគីសែមានរិទ្ធ ៕
ចែករំលែកព័តមាននេះ