ទីក្រុងបាងកក ៖ ប្រទេសថៃប្រហែលជាមិនអាចសម្រេចគោលដៅនាំចេញឲ្យបាន៩២០លានដុល្លារទេក្នុងឆ្នាំនេះ ព្រោះតែតម្លៃប្រាក់បាតកើនឡើង ដែលធ្វើឲ្យការកុម្មង់ទំនិញមួយចំនួនដូចជា បង្គា ត្រីធូណាកំប៉ុង ដំឡូងឈើ និងទឹកផ្លែឈើធ្លាក់ចុះ ។…
ទីក្រុងបាងកក ៖ ប្រទេសថៃប្រហែលជាមិនអាចសម្រេចគោលដៅនាំចេញឲ្យបាន៩២០លានដុល្លារទេក្នុងឆ្នាំនេះ ព្រោះតែតម្លៃប្រាក់បាតកើនឡើង ដែលធ្វើឲ្យការកុម្មង់ទំនិញមួយចំនួនដូចជា បង្គា ត្រីធូណាកំប៉ុង ដំឡូងឈើ និងទឹកផ្លែឈើធ្លាក់ចុះ ។
លោក Yongvut Saovapruk ប្រធានវិទ្យាស្ថានអាហារជាតិ (NFI) និយាយថា តម្លៃការនាំចេញអាហារក្នុងឆ្នាំនេះ គឺតិចជាងគោលដៅដែលបានកំណត់ទុក ។ NFI ព្យាករថា ការនាំចេញអាហារអាចនឹងកើនឡើង៥,៣%ក្នុងឆ្នាំនេះ បើធៀបនឹងឆ្នាំមុន ។
លោក Yongvut Saovapruk បន្តថា ៖ «តម្លៃប្រាក់បាតកើនឡើងកំពុងតែប៉ះពាល់ដល់ការនាំចេញម្ហូបអាហាររបស់ថៃ ។ ប៉ុន្តែពួកយើងគិតថា ទស្សនវិស័យសម្រាប់ឆ្នាំក្រោយនឹងកើនឡើងវិញ » ។
វិទ្យាសា្ថននេះព្យាករទៀតថា ការនាំចេញអាហារនៅឆ្នាំក្រោយនឹងកើនឡើង៧% ព្រោះតែសេដ្ឋកិច្ចរបស់ដៃគូពាណិជ្ជកម្មធំៗលូតលាស់កាន់តែរឹងមាំ, ការផ្គត់ផ្គង់វត្ថុធាតុដើម និងវិធានការរបស់រដ្ឋាភិបាលក្នុងការគាំទ្រវិស័យកសិកម្មជាដើម ។
ប៉ុន្តែ NFI បន្តបារម្ភពីការប៉ះពាល់ដែលបង្កឡើងពីប្រាក់បាត តម្លៃថាមពល និងប្រាក់បៀវត្សបន្តកើនឡើង ។
វិទ្យាស្ថាននេះគិតថា ទស្សនវិស័យសម្រាប់ផ្លែឈើស្រស់, ភេសជ្ជៈប៉ូវកម្លាំង, ផលិតផលធ្វើពីទឹកដោះគោ, ថ្នាំប៉ូវ និងការ៉េម នឹងនៅតែរឹងមាំ ។
ទីផ្សារនាំចេញធំៗរបស់ថៃ រួមមាន ប្រទេសកម្ពុជា, ឡាវ, មីយ៉ាន់ម៉ា, វៀតណាម, ជប៉ុន, សហរដ្ឋអាមេរិក, ចិន និងអឺរ៉ុប ។
លោក Poj Aramwattananont ប្រធានក្រុមគណៈកម្មការពាណិជ្ជកម្ម បាននិយាយថា តម្លៃប្រាក់បាតកើនឡើង គឺជាកត្តាដ៏សំខាន់ដែលបង្កឲ្យមានការបារម្ភសម្រាប់ឆ្នាំ២០១៨ ព្រោះវាបានកើនឡើង១០%ក្នុងឆ្នាំនេះ ៕
ចែករំលែកព័តមាននេះ