ខេត្តបន្ទាយមានជ័យ ៖ សំណូមពរប្រជាពលរដ្ឋក្នុងវេទិការផ្សព្វផ្សាយក្រុមប្រឹក្សាត្រូវដោះស្រាយឲ្យបានមន្ត្រីក្រុមប្រឹក្សាខេត្ត លើកឡើងកិច្ចប្រជុំសាមញ្ញលើកទី៤១ នៅថ្ងៃទី១៤ ខែធ្នូឆ្នាំ២០១៧ នៅសាលប្រជុំក្រុមប្រឹក្សាខេត្តបន្ទាយមានជ័យ ។ លោកលី សារី…
ខេត្តបន្ទាយមានជ័យ ៖ សំណូមពរប្រជាពលរដ្ឋក្នុងវេទិការផ្សព្វផ្សាយក្រុមប្រឹក្សាត្រូវដោះស្រាយឲ្យបានមន្ត្រីក្រុមប្រឹក្សាខេត្ត លើកឡើងកិច្ចប្រជុំសាមញ្ញលើកទី៤១ នៅថ្ងៃទី១៤ ខែធ្នូឆ្នាំ២០១៧ នៅសាលប្រជុំក្រុមប្រឹក្សាខេត្តបន្ទាយមានជ័យ ។
លោកលី សារី អភិបាលរងខេត្តបន្ទាយមានជ័យមានប្រសាសន៍ថា ខេត្តបន្ទាយមានជ័យឆ្នាំ២០១៧ នេះដំណាំស្រូវបានចំនួន២៥១.៩៦១ហិកតា លើផែនការ២៥០.០០០ហិកតា ស្មើនិង១០០.៧៨ភាគរយ ហើយប្រមូលផលបាន៥០.០០០ហិកតា ស្មើនឹង២០.២៤ភាគរយ ទិន្នន័យទទួលបាន២៣៥.០០០តោន តម្លៃស្រូវស្រាលប្រសើរជាងឆ្នាំមុន១តោន តម្លៃ៨៥ទៅ៩៥ម៉ឺនរៀល ទោះជាឆ្នាំរងទទួលនៅទឹកជំនន់ផលប៉ះពាល់ជិត១៩.០០០ហិតា ។
លោកអ៊ី ឡុង សមាជិកក្រុមប្រឹក្សាខេត្តបានមានប្រសាសន៍ថា ក្រោយពេលក្រុមប្រឹក្សាខេត្តបន្ទាយមានជ័យធ្វើវេទិការផ្សព្វផ្សាយនៅតាមមូលដ្ឋានរួចគឺទទួលបានព័ត៌មានច្រើនពីប្រជាពលរដ្ឋដែលសំណូមពរសុំឲ្យដោះស្រាយជូនដូចជា បទល្មើសគ្រឿងញៀន មានជួញដូរ ចែកចាយ ប្រើប្រាស់ និងល្បែងស៊ីសងមានប្រជល់មាន់ លេងប៊ៀ អាប៉ោង លក់កន្ទុយលេខ(រឺលក់ឆ្នោត) ក្រុមបងតូចបងធំដែលបង្កអសន្តិសុខប៉ះពាល់ភូមិ-ឃុំគ្មានសុវត្ថិភាព។
លោកបានក្រើនរំលឹកថា រាល់បទល្មើសតាមបន្ទាត់ព្រំដែនដូចជា ពលករចំណាក់ស្រុក ទំនិញគេចពន្ធដែលល្មើស និងច្បាប់ត្រូវចាត់វិធានការ និងទប់ស្កាត់ឲ្យបានឲ្យកើតមាន ។ ដូចជា សុវត្ថិភាពពលករចំណាក់ស្រុកធ្វើការអប់រំណែនាំកុំឲ្យទៅខុសច្បាប់ប្រឈមគ្រោះថ្នាក់ និងទំនិញគេចពន្ធធ្វើបាត់បង់ចំណូលរដ្ឋ ៕
ចែករំលែកព័តមាននេះ