រាជធានីភ្នំពេញ៖ ក្រុមហ៊ុន អ៊ីហ្ស៊ីខម យល់យ៉ាងច្បាស់ថា ការអានសៀវភៅពិតជាមានសារសំខាន់ណាស់សម្រាប់ការអភិវឌ្ឍធនធានមនុស្សនៅកម្ពុជា។ ដូច្នេះហើយទើបក្រុមហ៊ុនគាំទ្រយ៉ាងខ្លាំងក្លានូវគោលនយោបាយលើកកម្ពស់ការអានសៀវភៅរបស់រាជរដ្ឋាភិបាលកម្ពុជា។ នៅថ្ងៃទី០៨ ខែធ្នូ «ពិព័រណ៍សៀវភៅថ្នាក់ជាតិ នៅកម្ពុជា»…
រាជធានីភ្នំពេញ៖ ក្រុមហ៊ុន អ៊ីហ្ស៊ីខម យល់យ៉ាងច្បាស់ថា ការអានសៀវភៅពិតជាមានសារសំខាន់ណាស់សម្រាប់ការអភិវឌ្ឍធនធានមនុស្សនៅកម្ពុជា។ ដូច្នេះហើយទើបក្រុមហ៊ុនគាំទ្រយ៉ាងខ្លាំងក្លានូវគោលនយោបាយលើកកម្ពស់ការអានសៀវភៅរបស់រាជរដ្ឋាភិបាលកម្ពុជា។
នៅថ្ងៃទី០៨ ខែធ្នូ «ពិព័រណ៍សៀវភៅថ្នាក់ជាតិ នៅកម្ពុជា» ដែលមានរយៈពេល៣ថ្ងៃ និងជាព្រឹត្តិការណ៍ប្រចាំឆ្នាំ ដ៏មានសារសំខាន់មួយក្នុងការលើកកម្ពស់ការអានសៀវភៅ ត្រូវបានប្រារព្ធឡើងយ៉ាងអធិកអធមនៅបណ្ណាល័យជាតិក្រោមការចូលរួមពីសំណាក់អធិបតី ភ្ញៀវកិត្តិយស និងអ្នកចូលរួមជាច្រើនរូប ដែលក្នុងនោះក្រុមហ៊ុន អ៊ីហ្ស៊ីខម ក៏ជាអ្នកឧបត្ថម្ភធំមួយផងដែរ។
ស្របតាមប្រធានបទ «អានច្រើន បង្កើនឱកាស» ដែលជាប្រធានបទនៃពិព័រណ៍សៀវភៅថ្នាក់ជាតិឆ្នាំនេះ ក្រុមហ៊ុន អ៊ីហ្ស៊ីខម សូមចែករំលែកគំនិតពិចារណាអំពីសារសំខាន់នៃការអានសៀវភៅក្នុងជីវិតប្រចាំថ្ងៃរបស់បុគ្គលម្នាក់ៗ។
ទោះបីបច្ចេកវិទ្យាកំពុងវិវដ្តទៅមុខជាលំដាប់ តែការអានសៀវភៅនៅតែជាផ្នែកដ៏សំខាន់មិនអាចខ្វះបានក្នុងការអភិវឌ្ឍចំណេះដឹងទាំងសម្រាប់មនុស្សពេញវ័យ និងកុមារ-យុវជនដែលកំពុងសិក្សារៀនសូត្រក្នុងគ្រឹះស្ថានអប់រំនានានៅកម្ពុជា។ នៅគ្រឹះស្ថានអប់រំជាច្រើន សៀវភៅគឺជាឃ្លាំងផ្ទេរចំណេះដ៏សំខាន់បំផុតមួយសម្រាប់សិស្សានុសិស្សសិក្សាស្រាវជ្រាវ និងស្វែងយល់អំពីមុខវិជ្ជាផ្សេងៗ តាំងពីភាសា វប្បធម៌ និងមុខវិជ្ជាវិទ្យាសាស្ត្រផ្សេងទៀត។ សមត្ថភាពពេលប្រលងរបស់សិស្សនៅតែពឹងផ្អែកយ៉ាងខ្លាំងក្លាលើការអាន និងមើលសៀវភៅដោយខ្លួនឯងនៅពេលទំនេរពីម៉ោងសិក្សា។ នេះជាឧទាហរណ៍ ដែលសបញ្ជាក់យ៉ាងច្បាស់អំពីសារសំខាន់នៃការអាន ក្នុងការសិក្សា។
សម្រាប់មនុស្សពេញវ័យ ការបង្កើតទម្លាប់អានសៀវភៅជាប្រចាំមានប្រយោជន៍ពង្រីកចំណេះដឹងទូទៅរបស់គាត់ និងពង្រឹងប្រាជ្ញាស្មារតីក្នុងការត្រិះរិះពិចារណា។ ការស្រាវជ្រាវបានរកឃើញថា បុគ្គលដែលអានសៀវភៅជាប្រចាំមានការចងចាំល្អ មានអារម្មណ៍តានតឹងតិច និងមានការផ្ចង់អារម្មណ៍ក្នុងការងារបានល្អ ជាងអ្នកដែលមិនអានសៀវភៅជាប្រចាំ។ សូម្បីនៅក្រុមហ៊ុន អ៊ីហ្ស៊ីខម ដែលយើងផ្តោតលើការផ្តល់សេវាអ៊ីនធឺណិតលំដាប់ខ្ពស់ ក៏យើងនៅតែលើកទឹកចិត្តយ៉ាងសកម្ម្យបុគ្គលិករបស់យើងអានសៀវភៅជាប្រចាំ។ យើងមានកម្មវិធីដែលបុគ្គលិកអាចខ្ចីសៀវភៅល្អៗយកទៅអានទៀតផង។
ជាចុងក្រោយ យើងអាចនិយាយបានដោយជាក់ច្បាស់ថា ការអានសៀវភៅពិតជាមានសារសំខាន់មិនអាចខានបាន ហើយយើងសូមលើកទឹកចិត្ត្យប្រជាពលរដ្ឋកម្ពុជាគ្រប់រូប បង្កើតទម្លាប់អានសៀវភៅ ទោះជាតិចក្តី ច្រើនក្តី ដើម្បីជាប្រយោជន៍ក្នុងការអភិវឌ្ឍខ្លួន និងចូលរួមចំណែកអភិវឌ្ឍសង្គមជាតិ្យបានរីកចម្រើនតទៅ៕
ចែករំលែកព័តមាននេះ