រាជធានីភ្នំពេញ ៖ ផលិតផលម៉ាស៊ីនបោះពុម្ពម៉ាក EPSON របស់ក្រុមហ៊ុនឌីស្ទីបៃត៍ (Distybyte) ដែលជាក្រុមហ៊ុនទទួលសិទ្ធិនាំចូល ចែកចាយផលិតផល និងសេវាកម្មម៉ាក EPSON បានដាក់តាំងបង្ហាញនូវផលិតផលថ្មីម៉ាក EPSON Printer New L Series កាលពីល្ងាចថ្ងៃទី៧ វិច្ឆិកា កន្លងទៅ នៅសណ្ឋាគារកាំបូឌីយ៉ាណា រាជធានីភ្នំពេញ ។ ការរៀបចំការបង្ហាញ នូវផលិតផលថ្មីនេះ មានការសហការជាមួយ EPSON នៃប្រទេសថៃ ហើយផលិតផលថ្មី EPSON Printer New L Series ជាម៉ូដែល ថ្មីចុងក្រោយរបស់ EPSON ដែលភ្ជាប់ជាមួយប្រព័ន្ធ Original Ink Tank ។
កម្មវិធីបង្ហាញផលិតផលថ្មីនេះមានការអញ្ជើញចូលរួមពីសំណាក់ភ្ញៀវកិត្តិយសជាច្រើនដែលជាដៃគូ ពាណិជ្ជកម្មថ្នាក់គ្រប់គ្រងរបស់ក្រុមហ៊ុន ឌីស្ទីបៃត៍ និង EPSON របស់ប្រទេសថៃ ។នៅក្នុងឱកាសនេះដែរ លោក Phairote Yodmahalabkul អ្នកគ្រប់គ្រងផ្នែកលក់អន្តរជាតិបានមានប្រសាសន៍ថា EPSON Printer New L Series ដែលបានបង្ហាញរួមមាន L110, L210 ,L300 និង L350 ។ L110 ,L300 មានមុខងារព្រីនតែមួយមុខប៉ុណ្ណោះ រីឯ L210,L350 មានមុខងារបីយ៉ាង Print , Scan និង Copy ។ ម៉ូដែលថ្មីទាំងនេះ គឺជាបច្ចេកវិទ្យាចុងក្រោយបង្អស់ពី EPSON ជាមួយប្រព័ន្ធOriginal Ink Tank មានទឹកថ្នាំចំណុះ៧០ មីល្លីលីត្រក្នុងមួយពណ៌ ដែលទឹកថ្នាំពណ៌ខ្មៅ អាចបោះពុម្ពបាន៤.០០០សន្លឹក, ៦.៥០០សន្លឹក សម្រាប់ទឹកថ្នាំបីពណ៌ផ្សេងទៀត ហើយមានល្បឿនលឿនជាងមុនរហូតដល់២ ទៅ៣ ដង ។ EPSON Printer New L Series ត្រូវបានផលិតឡើងដើម្បីបំពេញនូវសេចក្ដីត្រូវការរបស់អតិថិជនក្នុងការបោះពុម្ពលើឯកសារជាពណ៌ធម្មតាជាមួយនឹងល្បឿនលឿនអាចសន្សំសំចៃ ខ្ពស់ ថែមទាំងទទួលបាននូវការធានារយៈពេល ១ឆ្នាំទាំងការជួលនិងសេវាកម្ម ។
លោកស្រីហួរ សុខគុណ អគ្គនាយកក្រុមហ៊ុន First Group Holdings បានមានប្រសាសន៍ថា ដើម្បីទទួលបាននូវការគាំទ្រលើទីផ្សារ កសាងនូវទំនុកចិត្តរបស់អតិថិជន និងដៃគូពាណិជ្ជកម្មក្នុងប្រទេសកម្ពុជា ក្រុមហ៊ុន Seiko EPSON Corporation ជប៉ុន បានសហការជាមួយក្រុមហ៊ុនឌីស្ទីបៃត៍ ធ្វើការអភិវឌ្ឍនូវផលិតផលថ្មីៗ ដើម្បីបំពេញនូវសេចក្ដីត្រូវការរបស់អតិថិជនកម្ពុជា ។ ឆ្លៀតក្នុងឱកាសនេះលោកស្រីហួរ សុខគុណ បានថ្លែងអំណរគុណយ៉ាងជ្រាលជ្រៅ ចំពោះក្រុមហ៊ុន EPSON របស់ប្រទេសថៃ និងដៃគូពាណិជ្ជកម្មទាំងអស់ដែលបានសហប្រតិបត្តិការចែកចាយផលិតផល EPSON ក្នុងព្រះរាជាណាចក្រកម្ពុជាដោយទទួលបានជោគជ័យ កន្លងមក ហើយសង្ឃឹមថា EPSON Printer New L Series ថ្មីនេះនឹងទទួលបានការគាំទ្រ ពីសំណាក់ដៃគូពាណិជ្ជកម្មក្នុងការចែកចាយដល់អតិថិជនរបស់ខ្លួន ។
គួរបញ្ជាក់ផងដែរថា EPSON មានផលិតផលជាច្រើនរួមមាន Inkjet Printer ,Laser Printer ,Projector , Scaner, Dot Matrix printer ,TM Printer ,Passbook Printer ,Large Format Printer ៕
ចែករំលែកព័តមាននេះ