ទីក្រុងប៉េកាំង ៖ ប្រទេសចិនបានបញ្ឈប់ការប្រើប្រាស់កម្មវិធី WhatsApp ដើម្បីប្រុងប្រយ័ត្នមុនពេលកិច្ចប្រជុំបក្សកុម្មុយនិស្តរបស់រដ្ឋាភិបាលនៅខែក្រោយ ។
បណ្តាញសង្គមផ្សេងទៀតដែលប្រជាជននៅប្រទេសលោកខាងលិចប្រើរាល់ថ្ងៃ ក៏បានហាមឃាត់ផងដែរនៅចិនដីគោក ។ ផ្ទុយទៅវិញ បណ្តាញទាំងនេះត្រូវបានជំនួសដោយកម្មវិធីដទៃ ដែលរដ្ឋាភិបាលចិនអាចតាមដានបាន ។ ដូច្នេះ តើបណ្តាញសង្គមអ្វីខ្លះដែលប្រជាជនចិនអាចប្រើបាន ?
១-WeChat ជំនួសឱ្យ WhatsApp ៖
WeChat បានចាប់ផ្ដើមថតចម្លងដោយផ្ទាល់ពីកម្មវិធី WhatsApp ប៉ុន្តែឥឡូវនេះ គេបានប្រើប្រាស់វាច្រើន ។ អ្នកអាចប្រើវាដើម្បីទូទាត់ថ្លៃទំនិញអនឡាញ និងលេងហ្គេម ។ វាបង្កើតឡើងដោយក្រុមហ៊ុនចិន Tencent ។
ប៉ុន្តែរាល់ព័ត៌មានទាំងអស់ដែលពលរដ្ឋចិនរាប់លាននាក់ប្រើប្រាស់ ត្រូវបានចែករំលែកជាមួយរដ្ឋាភិបាល ។
២-Weibo ជំនួសឱ្យ Twitter ៖
Twitter ត្រូវគេរារាំងមិនឲ្យប្រើនៅក្នុងប្រទេសចិនឡើយ ដោយសារគេបន្ទោសពីការរៀបចំតវ៉ានៅឆ្នាំ២០០៩ ។ ពេលនោះហើយដែលកម្មវិធី Weibo បានបង្កើតឡើងជំនួសវិញ ហើយប្រើក្នុងមុខងារដូចគ្នា ។
ប៉ុន្តែគេប្រើវាខុសគ្នាជាមួយ Twitter ពីព្រោះមនុស្សមាននិន្នាការបង្ហាញពីជីវិត និងគ្រួសាររបស់ខ្លួន ជាជាងជជែករឿងនយោបាយ ។
៣-Baidu ជំនួសឲ្យ Google ៖
Baidu បានផ្តល់នូវសេវាកម្មលើអុីនធើរណេតដូចគ្នាជាច្រើន ខណៈចិនហាមឃាត់កម្មវិធី Google នៅក្នុងប្រទេសខ្លួន ។
ដូចក្រុមហ៊ុន Google ដែរ Baidu បានវិនិយោគនៅក្នុងបច្ចេកវិទ្យា AI និងរថយន្តបើកបរដោយខ្លួនឯង ។ ប៉ុន្តែអាជ្ញាធរចិនកំពុងស៊ើបអង្កេតក្រុមហ៊ុន Baidu, Weibo និង WeChat ក្នុងគោលបំណងគ្រប់គ្រងក្រុមហ៊ុនទាំងនេះ ។
៤-QQ ជំនួសឱ្យ Facebook ៖
QQ គឺជាកន្លែងផ្ញើសារមួយជាកម្មសិទ្ធិរបស់ក្រុមហ៊ុន Tencent ដែលជាម្ចាស់របស់ WeChat ។ វាដូចគ្នានឹង WhatsApp ត្រូវបានគ្រប់គ្រងដោយ Facebook ផងដែរ ។
ភាពខុសគ្នាចម្បង គឺថា QQ ក៏ដូចជាកម្មវិធីផ្ញើសាររបស់ Facebook ។ ប៉ុន្តែវាចាប់ផ្តើមជាកម្មវិធីកុំព្យូទ័រលើតុ ជាជាងក្នុងទូរស័ព្ទដៃ ។
អ្នកប្រើប្រាស់មិនត្រូវការលេខទូរស័ព្ទដើម្បីប្រើ QQ ទេ មានន័យថា មនុស្សវ័យក្មេងដែលមិនទាន់មានទូរស័ព្ទ គឺអាចប្រើវាដើម្បីផ្ញើសារទៅវិញទៅមកបាន ។
៥-Youku ជំនួសឱ្យ YouTube ៖
Youku គឺជាគេហទំព័រសំខាន់របស់ចិន ដែលមនុស្សគ្រប់គ្នាអាចបង្ហោះវីដេអូផ្ទាល់ខ្លួន ប៉ុន្តែរដ្ឋាភិបាលចិនបានពិនិត្យវីដេអូទាំងនោះ ហើយវីដេអូណាដែលរិះគន់ដល់គណបក្សកុម្មុយនិស្ត នឹងត្រូវគេដកចេញ ៕
ចែករំលែកព័តមាននេះ