វានៅតែជាសំណួរដដែលសម្រាប់ម្ចាស់រថយន្តថា មុននឹងពន្លត់ម៉ាស៊ីន តើចាំបាច់ត្រូវបិទ (Switch) ម៉ាស៊ីនត្រជាក់គ្រប់ពេល ពិតទេ?បើសិនជាមិនបិទវិញ តើនឹងមានផលអាក្រក់ក្នុងរយៈពេលយូរឬអត់ ?
ជាធម្មតា នៅពេលប្រព័ន្ធម៉ាស៊ីនត្រជាក់អាចដំណើរការបានល្អ (និយាយងាយៗ គឺម៉ាស៊ីនត្រជាក់របស់រថយន្តត្រជាក់) ម៉ាស៊ីនរថយន្តចាំបាច់ត្រូវបើក ។ បន្ទាប់ពី Compressor ម៉ាស៊ីនត្រជាក់នឹងត្រូវបានបណ្តេញចេញដោយខ្សែពាន រួមជាមួយម៉ាស៊ីនកំពុងដំណើរការ ប៉ុន្តែបើអ្នកពន្លត់ម៉ាស៊ីនរថយន្ត ហើយបើកម៉ាស៊ីនត្រជាក់ចោល វានឹងបញ្ចេញតែខ្យល់ពី Blow ប៉ុណ្ណោះ និងគ្មានជាតិត្រជាក់មកជាមួយទេ សូម្បីតែបើក ឬបិទម៉ាស៊ីនត្រជាក់ក៏ដោយ ។
បច្ចុប្បន្ន មនុស្សភាគច្រើននៅតែជឿជាក់ថា មុននឹងពន្លត់ម៉ាស៊ីនរថយន្ត ចាំបាច់ត្រូវបិទម៉ាស៊ីនត្រជាក់មុនជានិច្ច ព្រោះនៅពេលបញ្ឆេះម៉ាស៊ីនរថយន្តម្តងទៀត តួរថយន្តនឹងមានការ Load ខ្សែភ្លើងលើសពីធម្មតា ។ បន្ទាប់ពីត្រូវភ្ជាប់ខ្សែភ្លើងជាមួយប្រព័ន្ធម៉ាស៊ីនត្រជាក់ រួមទាំងការដំណើរការរបស់ Compressor នឹងធ្វើឲ្យខ្សែភ្លើងកញ្ឆក់ ។ ជាលទ្ធផល គឺម៉ាស៊ីនរថយន្តស៊ីភ្លើងខ្លាំងឡើង ពិបាកបញ្ឆេះ និងអាចធ្វើឲ្យខូចប្រព័ន្ធភ្លើងផងដែរ ។ ប៉ុន្តែការយល់ឃើញទាំងនេះអាចជាការពិតសម្រាប់តែរថយន្តសម័យ៣០ឆ្នាំកន្លងទៅប៉ុណ្ណោះ ។
រថយន្តបច្ចុប្បន្ននេះ មានប្រព័ន្ធផ្តាច់ឧបករណ៍ភ្លើងទាំងអស់ ខណៈពេលបញ្ឆេះម៉ាស៊ីន (នៅពេលបិទកូនសោនៅកន្លែង Start ឬពេលប្រព័ន្ធ Push Start កំពុងដំណើរការ) មានន័យថា ម៉ាស៊ីនផ្លុំខ្យល់ម៉ាស៊ីនត្រជាក់ចេញមកនោះ នឹងបញ្ឈប់ដំណើរការបណ្តោះអាសន្នសិន ហើយពេលរថយន្តបញ្ឆេះរួច Relays នឹងបង្អង់ដំណើរការរបស់ Compressor ម៉ាស៊ីនត្រជាក់ប្រមាណជា១-២វិនាទី ទើបខ្យល់ត្រជាក់ចាប់ផ្តើមចេញមក ហើយមិនធ្វើឲ្យខ្សែភ្លើងកញ្ឆក់ទេ ។
សម្រាប់រថយន្តសម័យមុន ដែលមានអាយុ៣០ឆ្នាំឡើងទៅ វាត្រូវដំឡើងប្រព័ន្ធម៉ាស៊ីនត្រជាក់ជា Options បន្ថែមនោះ ប្រព័ន្ធម៉ាស៊ីនត្រជាក់ទាំងនេះអាចដំណើរការមិនទាក់ទងគ្នាជាមួយគ្រឿងម៉ាស៊ីន ដូចរថយន្តបច្ចុប្បន្នឡើយ ដូចជា គ្មានការផ្តាច់ដំណើរការ ខណៈបញ្ឆេះម៉ាស៊ីន ឬ Compressor នឹងដំណើរការភ្លាមៗពេលម៉ាស៊ីនបញ្ឆេះរួច ដែលចំណុចនេះធ្វើឲ្យខ្សែភ្លើងកញ្ឆក់ បង្កើតជាការសឹករេចរឹលនៃអាគុយ និងប្រព័ន្ធម៉ាស៊ីនត្រជាក់ផងដែរ ។ វាជាការគិតជាប់រហូតមកថា មុននឹងបញ្ឆេះម៉ាស៊ីនគ្រប់ពេល គឺចាំបាច់ត្រូវពន្លត់ម៉ាស៊ីនត្រជាក់ជាមុន ។
ទោះជាយ៉ាងណា ការបើក-បិទម៉ាស៊ីនត្រជាក់ នឹងគ្មានហេតុផលច្បាស់លាស់ដល់ការបញ្ឆេះម៉ាស៊ីនទេ ។ ប៉ុន្តែការមិនបិទម៉ាស៊ីនត្រជាក់មុនពន្លត់ ឬបញ្ឆេះម៉ាស៊ីន គឺធ្វើឲ្យអស់ភ្លើងពីអាគុយខ្លះដែរ ៕
ចែករំលែកព័តមាននេះ