ខេត្តស្វាយរៀង ៖ ចោរប្រុសស្រីវ័យក្មេង០២នាក់ប្តីប្រពន្ធ បានធ្វើសកម្មភាពលួចទ្រព្យសម្បត្តិអ្នកស្រុក ខណៈកំពុងចូលលួចនៅក្នុងផ្ទះត្រូវម្ចាស់មកទាន់ដេញព័ទ្ធចាប់ប្រគល់ឲ្យសមត្ថកិច្ច។ ករណីចោរកម្មនេះបានកើតឡើង កាលពីវេលម៉ោង៩ និង៣០នាទីព្រឹក ថ្ងៃទី១៣ ខែធ្នូ…
ខេត្តស្វាយរៀង ៖ ចោរប្រុសស្រីវ័យក្មេង០២នាក់ប្តីប្រពន្ធ បានធ្វើសកម្មភាពលួចទ្រព្យសម្បត្តិអ្នកស្រុក ខណៈកំពុងចូលលួចនៅក្នុងផ្ទះត្រូវម្ចាស់មកទាន់ដេញព័ទ្ធចាប់ប្រគល់ឲ្យសមត្ថកិច្ច។ ករណីចោរកម្មនេះបានកើតឡើង កាលពីវេលម៉ោង៩ និង៣០នាទីព្រឹក ថ្ងៃទី១៣ ខែធ្នូ ២០១៧ នៅក្នុងផ្ទះរបស់ឈ្មោះ ស៊ិន សុផា ភេទស្រី អាយុ៤១ឆ្នាំ មុខរបរលក់ដូរ ស្ថិតក្នុងភូមិកំពោតជ្រូក សង្កាត់ព្រៃអង្គុញ ក្រុងបាវិត។
បើតាមសមត្ថកិច្ចនគបាលប៉ុស្តិ៍រដ្ឋបាលសង្កាត់ព្រៃអង្គុញ បានឲ្យដឹងថា ជនសង្ស័យ២នាក់ប្តីប្រពន្ធគឺ ឈ្មោះ ជួប ភារម្យ ភេទស្រី អាយុ២៨ឆ្នាំ មុខរបរមិនពិតប្រាកដ មានទីលំនៅភូមិថ្លុកព្រីង ឃុំពពែត ស្រុកស្វាយទាប និងបុរសជាប្ដីឈ្មោះ ញាន សុផាត ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅភូមិឃុំជាមួយគ្នា បានធ្វើសកម្មភាពលួចយក កងដៃប្លាទីន មួយកង ទម្ងន់៨៩លី គិតជាប្រាក់ស្មើនឹង៨៩ដុល្លារ នៅក្នុងផ្ទះជនរងគ្រោះខាងលើ។
ប្រភពដដែលបន្តទៀតថា នៅពេលធ្វើសកម្មភាព(លួច) គឺជនសង្ស័យជាប្តីអ្នកចូលលួចដោយឲ្យស្ត្រីជាប្រពន្ធនៅខាងក្រៅយាមផ្លូវ ក៏ប៉ុន្តែត្រូវម្ចាស់ផ្ទះ បានឃើញហើយក៏បានស្រែកឆោឡោ ផ្អើលអ្នកជិតខាងមកជួយព័ទ្ធចាប់ខ្លួនជនសង្ស័យពីរនាក់ប្តីប្រពន្ធបានភ្លាមៗតែម្តង។ ហើយក៏បានរាយការណ៍មកសមត្ថកិច្ចឲ្យមកជួយអន្តរាគមន៍ ក្រោយពីទទួលព័ត៌មានភ្លាម សមត្ថកិច្ចបានទៅដល់កន្លែងកើតហេតុ ហើយបាននាំខ្លួនជនសង្ស័យទាំង០២នាក់ប្តីប្រពន្ធរួមទាំងវត្ថុតាង ខ្សែដៃ ប្លាទីន១ខ្សែ បញ្ជូនមកកាន់ប៉ុស្ដិ៍នគរបាល សង្កាត់ព្រៃអង្គុញដើម្បីធ្វើការសាកសួរ និងកសាងសំណុំរឿងបញ្ជូនមកកាន់ស្នងការដ្ឋាននគបាលខេត្តចាត់ការតាមនីតិវិធី៕ វ៉ាន់ប៊ុនធឿនED176
ចែករំលែកព័តមាននេះ