ខេត្តបន្ទាយមានជ័យ ៖ មានមនុស្សម្នាក់បានស្លាប់ភ្លាមៗនៅកន្លែងកើតហេតុ និង៣នាក់រងរបួសធ្ងន់ស្រាលត្រូវដឹកទៅសង្គ្រោះនៅមន្ទីរពេទ្យបង្អែក ស្រុកព្រះនេត្រព្រះ ដោយគោយន្តកែច្នៃដាច់គ្រឡេក្រឡាប់ ។ ហេតុការណ៍នេះបានកើតឡើងនៅវេលាម៉ោង១១និងនាទីព្រឹកថ្ងៃទី១២ ខែធ្នូ ឆ្នាំ២០១៧…
ខេត្តបន្ទាយមានជ័យ ៖ មានមនុស្សម្នាក់បានស្លាប់ភ្លាមៗនៅកន្លែងកើតហេតុ និង៣នាក់រងរបួសធ្ងន់ស្រាលត្រូវដឹកទៅសង្គ្រោះនៅមន្ទីរពេទ្យបង្អែក ស្រុកព្រះនេត្រព្រះ ដោយគោយន្តកែច្នៃដាច់គ្រឡេក្រឡាប់ ។ ហេតុការណ៍នេះបានកើតឡើងនៅវេលាម៉ោង១១និងនាទីព្រឹកថ្ងៃទី១២ ខែធ្នូ ឆ្នាំ២០១៧ លើផ្លូវជាតិលេខ៦ ត្រង់ចំណុចបង្គោលខ្សែភ្លើង លេខ0265-0266 ស្ថិតនៅភូមិភូមិគោកលុន ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ ។
នគរបាលស្រុកព្រះនេត្រព្រះបានឲ្យដឹងថា មុនដំបូងមានគោយន្តឆ្នៃមួយគ្រឿងពណ៍ខៀវ បើកដោយឈ្មោះថាច សុធារុំ ភេទប្រុស អាយុ១៨ឆ្នាំ នៅភូមិភ្នំជញ្ជាំង ឃុំជប់វារី ស្រុកព្រះនេត្រ ព្រះខេត្តបន្ទាយមានជ័យ ។ ក្នុងនោះមានអ្នករួមដំណើរចំនួន៣នាក់រួមមានទី១-ឈ្មោះហ៊ាន ឡាទី ភេទប្រុស អាយុ១៥ឆ្នាំ នៅភូមិទានកាំត្បូង ឃុំទានកាំ ស្រុកព្រះនេត្រព្រះ ទី២-ឈ្មោះសៃ គឹមសួរ ភេទប្រុស អាយុ១៦ឆ្នាំនៅភូមិទានកាំត្បូង ឃុំទានកាំ ស្រុកព្រះនេត្រព្រះនិងទី៣ -ឈ្មោះកឺ សោមវិច្ឆិការ នៅភូមិអូរ ឃុំទានកាំ ស្រុកព្រះនេត្រព្រះ ខេត្តបន្ទាយមានជ័យ ។
ប្រភពដដែលបញ្ជាក់ថា មុនពេលកើតហេតុអ្នកបើកគោយន្តកែច្នៃបានធ្វើដំណើរមកពីទិសខាងកើតមកទិសខាងលិច ពេលមកដល់ចំណុចកើតហេតុខាងលើ បានដាច់គ្រឡេវិលបុកប៉ះនឹងផ្លូវជាតិក្រឡាប់តែម្តង បណ្តាលឲ្យធ្លាក់អ្នកបើកនឹងអ្នករួមដំណើធ្លាក់ពីលើគោយន្ត ហើយគោយន្តជ្រុលទៅបុកនឹងថូផ្កាដែលដាក់តាំងលក់នៅខាងជើងផ្លូវកើតមានគ្រោះថ្នាក់តែម្ដង ។
គ្រោះថ្នាក់ចរាចរណ៍បើកគោយន្តឈ្មោះថាច សុធារុំ រងរបួសធ្ងន់ បញ្ជូនទៅមន្ទីពេទ្យបង្អែក ។ ចំណែកអ្នករួមដំណើរម្នាក់ឈ្មោះហ៊ាន ឡាទី ស្លាប់នៅនឹងកន្លែងកើតហេតុ និងអ្នករួមដំណើរចំនួន២នាក់ឈ្មោះសៃ គឹមសួរ រងរបួសធ្ងន់បញ្ជូន និងឈ្មោះកឺ ឆោមវិច្ឆិកា របួសស្រាលបញ្ជូន ។ ចំពោះគោយន្តឆ្នៃខូចខាតស្រាល បច្ចុប្បន្នមករក្សាទុកនៅអធិការដ្ឋាននគរបាលស្រុករង់ចាំធ្វើការដោះស្រាយ ៕
ចែករំលែកព័តមាននេះ