ប្រទេសអាហ្សង់ទីន ៖ របស់ថ្មីមួយស្ថិតនៅក្នុងជម្រៅទឹក១.០០០ម៉ែត្រត្រូវបានចាប់ឃើញដោយបណ្តា SONARS ដែលប្រើប្រាស់ដើម្បីតាមរកនាវាមុជទឹកអាហ្សង់ទីន SAN JUAN ដែលបាត់ដានក្នុងមហាសមុទ្រអាត្លង់ទិកភាគខាងត្បូងជាមួយសមាជិកក្រុមនាវិក៤៤នាក់ ចាប់តាំងពីថ្ងៃទី១៥ វិច្ឆិកា មក ។
ក្នុងសន្និសីទសារព័ត៌មានមួយកាលពីថ្ងៃទី១១ ធ្នូ អ្នកនាំពាក្យកងម៉ារីនអាហ្សង់ទីន លោក ENRIQUE BALBI ថ្លែងថា យើងវិភាគចំណុចថ្មីមួយដែលមានសញ្ញាស្ថិតក្នុងជម្រៅ១.០០០ម៉ែត្រ ។ បណ្តាលក្ខខណ្ឌពុំសុទិដ្ឋិនិយម ក៏ប៉ុន្តែយើងបន្តតាមរុករក ។ សញ្ញាថ្មីនេះចាប់បានដោយនាវាអាមេរិក ATLANTIS ដែលបំពាក់ឧបករណ៍រុករកទំនើប។
ជិត១ខែហើយ ក្រោយនាវាមុជទឹក SANJUAN ដែលបាត់ដាននៅពុំអាចរកឃើញ ទោះបីមានការរួមសហការតាមរកជាអន្តរជាតិធំមួយក្តី ។ នាវាមុជទឹករុស្ស៊ីមួយដែលមុជទឹកដល់ជម្រៅ៦.០០០ម៉ែត្រ ស្ថិតក្នុងតំបន់ប្រតិបត្តិការតាមរក ។ កងម៉ារីនអាហ្សង់ទីនអស់សង្ឃឹមហើយថាអាចរកឃើញអ្នកនៅរស់រានមានជីវិត ហើយផ្តោតលើការតាមរកនាវាមុជទឹកនេះ ៕
ចែករំលែកព័តមាននេះ