ខេត្តកំពង់ធំ ៖ ករណីផ្ទុះអាវុធបានបង្កឲ្យមានការភ្ញាក់ផ្អើលកាលពីវេលាម៉ោង២១និង៣០នាទីយប់ថ្ងៃទី១១ ខែធ្នូ ឆ្នាំ២០១៧ នៅចំណុចភូមិសេរីសាមគ្គីជើង ឃុំស្រឡៅ ស្រុកបារាយណ៍ ខេត្តកំពង់ធំ ។…
ខេត្តកំពង់ធំ ៖ ករណីផ្ទុះអាវុធបានបង្កឲ្យមានការភ្ញាក់ផ្អើលកាលពីវេលាម៉ោង២១និង៣០នាទីយប់ថ្ងៃទី១១ ខែធ្នូ ឆ្នាំ២០១៧ នៅចំណុចភូមិសេរីសាមគ្គីជើង ឃុំស្រឡៅ ស្រុកបារាយណ៍ ខេត្តកំពង់ធំ ។
លោកវរសេនីយ៍ត្រីឃុន ប៊ុនហួ មេបញ្ជាការកងរាជអាវុធហត្ថស្រុកបារាយណ៍បានប្រាប់ ឲ្យដឹងនៅរសៀលថ្ងៃទី១២ ខែធ្នូនេះថា ជនសង្ស័យដែលត្រូវបានកម្លាំងលោកឃាត់ខ្លួនបាននេះឈ្មោះចែត្រ ធួន ភេទប្រុស អាយុ៤៣ឆ្នាំ ជាសន្តិសុខយាមនៅមជ្ឈមណ្ឌុលកំសានរ៉ុកមួយកន្លែង នៅទីក្រុងភ្នំពេញ រស់នៅភូមិតាងៅកណ្ដាល សង្កាត់និរោធ ខណ្ឌច្បារអំពៅ រាជធានីភ្នំពេញ ។
នៅមុនពេលកើតហេតុ ជនសង្ស័យបានមកលេង និងផឹកស៊ីនៅចំនុចភូមិ-ឃុំកើតហេតុខាងលើជាមួយនឹងស្ត្រី២នាក់ទៀត ខណៈពេលកំពុងតែស៊ីផឹកបណ្តើរ និយាយគ្នាលេងបណ្តើរនោះក៏បង្កជាទំនាស់ពាក្យសម្តី និងគ្នាជាមួយស្រីដែលផឹកស៊ីជាមួយ ហើយក៏បានដកយកអាវុធខ្លីម៉ាក K៥៤បាញ់ចំនួន០១គ្រាប់ បង្កការភ្ញាក់ផ្អើលទាំងយប់ ដែលធ្វើឲ្យគាត់បញ្ចេញកំហឹងខឹងនោះ ។
ក្រោយឃាត់ខ្លួនសមត្ថកិច្ចយើងបានដកហូតយកវត្ថុតាងអាវុធ K៥៤ លេខ០៣២០៤ ចំនួន០១ដើម បង់០១ គ្រាប់០៦គ្រាប់ ប័ណ្ឌសម្គាល់អាវុធ០២សន្លឹក អត្តសញ្ញាណប័ណ្ណ០១ ប័ណ្ណទាហ៊ាន០១ ប័ណ្ណស៊ីវឹល០១ ទូរស័ព្ទ០២គ្រឿង រួចកសាងសំណុំរឿងបញ្ជូនទៅទីបញ្ជាការដ្ឋានអាវុធហត្ថខេត្តកំពង់ធំ ដើម្បីចាត់ការបន្តតាមច្បាប់ ។
បើយោងតាមចម្លើយសារភាពរបស់ជនសង្ស័យកាលពីមុន រូបគេធ្លាប់ធ្វើជាទាហ៊ាននៅកងអង្គរក្ស តែឥឡូវឈប់ធ្វើហើយ មកធ្វើជាសន្តិសុខវិញម្តង ៕
ចែករំលែកព័តមាននេះ