ខេត្តបន្ទាយមានជ័យ ៖ លោកអ៊ុ រាត្រី អភិបាលខេត្តស្តីទីអញ្ជើញជាអធិបតីភាព ក្នុងពិធីប្រកាសលោកហ៊ឹល រ៉ាយ៉ា អនុប្រធានការិយាល័យនៃមន្ទីរអប់រំយុវជន និងកីឡាខេត្តបន្ទាយមានជ័យបានប្រកាសតែងតាំងជាអភិបាលក្រុងសិរីសោភ័ណជំនួសលោកវ៉ៃ កេងលី អភិបាលក្រុងចាសត្រូវផ្លាស់ឲ្យទៅបម្រើការងារនូវសាលាខេត្ត ដែលមានការចូលរួមពីថ្នាក់ដឹកនាំខេត្តមន្ត្រីរាជការ មេឃុំ មេភូមិ ប្រជាពលរដ្ឋចូលរួមយ៉ាងច្រើនកុះករ នាថ្ងៃទី១២ ខែធ្នូ ឆ្នាំ២០១៧ ប្រព្រឹត្តទៅនៅសាលាក្រុងសិរីសោភ័ណ ។
លោកវ៉ន វណ្ណា នាយកស្តីទីនៃទីចាត់ការគ្រប់គ្រងធនធានមនុស្សបានអាននូវសេចក្តីប្រកាសស្តីពីការតែងតាំងមន្ត្រីរាជការយោងតាមអនុក្រឹតលេខ១២៤៣ អនក្រ.តត សម្រេចឲ្យលោកហ៊ឹល រ៉ាយ៉ា ឋានន្តរស័ក្តិគ្រូបង្រៀនកម្រិតឧត្តមថ្នាក់លេខ៤ នៃក្របខ័ណ្ឌគ្រូបង្រៀនកម្រិតឧត្តម ឲ្យចូលកាន់មុខតំណែងជាអភិបាលក្រុងសិរីសោភ័ណ ជំនួសអភិបាលក្រុងចាស់ ។
លោកអភិបាលក្រុងថ្មីបានប្តេជ្ញារនឹងខិតខំបំពេញតួនាទីភារកិច្ចឲ្យបានល្អប្រសើរ ដែលថ្នាក់លើផ្តល់ជូន និងខិតខំយកចិត្តទុកដាក់បំរើប្រជាពលរដ្ឋឲ្យបានល្អប្រសើ បេ្តជ្ញារបន្តថាថែរក្សាសន្តិភាព និងកិច្ចការងារអភិវឌ្ឍនៅមូលដ្ឋានឲ្យដោយឲ្យមានភាពរីកចម្រើនទៅមុខជាលំដាប់រួចមក ។
លោកអ៊ំ រាត្រី មានប្រសាសន៍ថា ដោយមើលឃើញពីការខិតខំប្រឹងប្រែង ក្នុងការងារសង្គម ទើបប្រមុខរាជរដ្ឋភិបាលកម្ពុជា តាមរយៈក្រសួងមហាផ្ទៃបានធ្វើការឡើងឋានន្តរស័ក្តិលោក ហ៊ឹល រ៉ាយ៉ា ឲ្យទៅជាអភិបាលក្រុងសិរីសោភ័ណ ក្នុងកាបន្តការដឹកនាំជំនួសលោក វ៉ៃ កេងលី ត្រូវទៅបំរើការងារនូវសាលាខេត្ត ។ អភិបាលស្តីទីបន្តថា ទាក់ទង និងការផ្តល់សេវា ជូនដល់ប្រជាពលរដ្ឋដែលមកសុំការផ្តល់សេវា ពិសេសក្រុង ដែលមានច្រកចេញ ចូលតែមួយ ដែលមានស្រាប់ត្រូវបំពេញកាព្វកិច្ច ជូនប្រជាពលរដ្ឋឲ្យបានល្អ ជៀសវាសការយកកម្រៃ ក្រៅសេវា ពីប្រជាពលរដ្ឋ ធ្វើឲ្យមានផលប៉ះពាល់ចំណូលថវិកាជាតិ ដែលចំណុចនេះអភិបាលក្រុង-ស្រុក ទាំងអស់ត្រូវយកចិត្តទុកដាក់ឲ្យម៉ត់ចត់ ។
ពិសេសត្រូវធ្វើការពិនិត្យទៅលើមន្ត្រីក្រោមឱវាទ លើការបំពេញការងារ ត្រួតពិនិត្យលើវត្តមានមន្ត្រី ដើម្បីធ្វើការវាតម្លៃលើសកម្មភាពការងារមន្ត្រី តំឡើងមុខងារថ្មី ។ ពិសេសអភិបាលខេត្តស្តីទីបានជម្រុញលើការងារចុះមូលដ្ឋានឲ្យបានញឹកញាប់ ដើម្បីដឹងពីបញ្ហាដែលប្រជាពលរដ្ឋជួបជាក់ស្តែង យកមកប្រជុំពិភាក្សា ដើម្បីរកដំណោះស្រាយឲ្យបានសមស្របណាមួយ និងបានទាន់ពេលវេលា ៕
ចែករំលែកព័តមាននេះ