សាច់ដុំរមួលគឺជាការកន្ត្រាក់ ភ្លាមៗ និងដោយគ្មានក្រោមអំពើដោយឆន្ទៈនៃផ្នែកមួយ ឬ ច្រើននៃសាច់ដុំរបស់អ្នក ។ ប្រសិនបើអ្នកធ្លាប់ត្រូវបានមានសកម្មភាពខ្លាំងនៅពេលយប់ ឬត្រូវបានបញ្ឈប់នូវសកម្មភាពរបស់អ្នកដោយការរមួល ភា្លមៗ អ្នកដឹងហើយថាសាច់ដុំរមួលអាចបណ្តាលឲ្យឈឺខ្លាំង ។ ទោះជាទូទៅគ្មានការខូចខាតអ្វីក៏ដោយ, សាច់ដុំរមួលនេះអាចធ្វើឲ្យអ្នកមិនមានសកម្មភាពមួយរយៈ ។ ការមានសកម្មភាពយូរនៃលំហាត់ប្រាណ ជាពិសេសក្នុងអាកាសធាតុក្តៅ គឺអាចនាំឲ្យសាច់ដុំរមួលបាន។ ថ្នាំខ្លះ និងជំងឺមួយចំនួនក៏អាចបណ្តាលឲ្យសាច់ដុំរមួលផងដែរ ។
ជាធម្មតាអ្នកអាចព្យាបាលសាច់ដុំរមួយនេះនៅផ្ទះដោយខ្លួនឯង ។
រោគសញ្ញា
រោគសញ្ញានៃការមានសាច់ដុំរមួលរួមមាន៖
• សាចដុំឈឺខ្លាំង និង ភ្លាមៗ(កន្ត្រាក់ និងគាំងជាប់) ជា រឿយៗគឺកើតនៅលើជើងរបស់អ្នក ។
• ជាលិកាសាច់ដុំដែលអ្នកមានអារម្មណ៍ ឬមើលឃើញថាឡើងលើស្បែករបស់អ្នក ។
នៅពេលណាដែលទៅជួបនឹងគ្រូពេទ្យ
សាច់ដុំរមួលជាធម្មតាមិនលេចឡើងដោយខ្លួនវា និងកម្រឲ្យតម្រូវរកការព្យាបាល ។
ទោះជាយ៉ាងណាក៏ដោយ សូមទៅជួបនឹងគ្រូពេទ្យប្រសិនបើការរមួលរបស់អ្នក៖
-បណ្តាលឲ្យឈឺខ្លាំង និងមិនអាចទ្រាំបាន
-កើតឡើងជាញឹកញាប់
-មិនប្រសើរឡើងដោយការថែទាំដោយខ្លួនឯង
-មិនត្រូវបានផ្សារភ្ជាប់ជាមួយនឹងមូលហេតុជាក់ស្តែង ដូចជាធ្វើលំហាត់ប្រាណ ខ្លាំងពេក ជាដើម ។
មូលហេតុ
ការប្រើប្រាស់ខ្លាំងនៃសាច់ដុំ, ការបាត់បង់ជាតិទឹក, ការតឹងសាច់ដុំ ឬការនៅកន្លែងមួយដែលមិនផ្លាស់ប្តូរចលនាសោះអាចបណ្តាលឲ្យមានការរមួលសាច់ដុំ ។ អ្នកកាយសម្ព័ន្ធដែលក្លាយជាអស់កម្លាំង និងបាត់បង់ជាតិទឹកនៅពេលដែលចូលរួមក្នុងកីឡាដែលមានអាកាសធាតុក្តៅល្មមអាចវិវឍ្ឍជាញឹកញាប់ជាការរមួលសាច់ដុំ ។ ប្រភេទផ្សេងទៀតជាទូទៅនៃការរមួលសាច់ដុំនេះដែរ គឺការរមួលនៅពេលយប់ កើតមានឡើងនៅត្រង់សាច់ដុំកំភួនជើង ឬម្រាមជើងអំឡុងពេលគេង ។
ទោះជាយ៉ាងណាក៏ដោយក្នុងករណីជាច្រើន មូលហេតុជាក់ច្បាស់នៃការរមួលសាច់ដុំនេះមិនត្រូវបានគេដឹងនោះទេ ។
ទោះជាការរមួលសាច់ដុំភាគច្រើនគឺខូចខាតតិច តែមួយចំនួនអាចត្រូវបានផ្សាភា្ជប់ទៅនឹងលក្ខខណ្ឌជំងឺដូចជា៖
-ការទទួលឈាមមិនបានគ្រប់គ្រាន់៖ ការឡើងតូចនៃសរសៃឈាមអារទែ ដែលចែក ចាយឈាមទៅជើងរបស់អ្នក(សរសៃឈាមក្រិននៅខាងចុងជើង ឬដៃ) អាចបង្កើតនូវការឈឺ ចាប់ដូចទៅនឹងការរមួលអ៊ីចឹងដែរនៅត្រង់ជើង និងប្រអប់ជើងនៅពេលដែលអ្នកកំពុងធ្វើលំហាត់ប្រាណ ។
-ការសង្កត់ទៅលើសរសៃវិញ្ញាណ៖ ការសង្កត់ទៅលើសរសៃវិញ្ញាណនៃឆ្អឹងខ្នងរបស់អ្នកអាចបណ្តាលឲ្យមានការឈឺចាប់ដូចទៅនឹងការរមួលអ៊ីចឹងដែរត្រង់ជើងរបស់អ្នក ។ ជាធម្មតាការឈឺចាប់នឹង អាក្រក់ទៅៗទៅតាមការយូរប៉ុនណានៃការដើររបស់អ្នក ។
-ការខ្វះសារជាតិរ៉ែ៖ ជាតិប៉ូតាស្យូម ,កាល់ស្យូម ឬម៉ាញ៉េស្យូមតិចពេកក្នុងចំណីអាហារ របស់អ្នកអាចនាំឲ្យមានជើងរមួលក្រពើ ។ ថ្នាំបញ្ចុះទឹកនោមមួយចំនួនសម្រាប់ការពារ ការឡើងឈាមអាចបណ្តាលឲ្យបាត់បង់ជាតិប៉ូតាស្យូម ។
ការរមួលសាច់ដុំអាចជាផ្នែកមួយនៃលក្ខខណ្ឌ ផ្សេងៗដូចជាមកពីសរសៃវិញ្ញាណ, តម្រង នោម, ក្រពេញទីរ៉ូអ៊ីត ឬជំងឺមកពីអ៊័រម៉ូន, ជំងឺទឹកនោមផ្អែម, ជាតិស្ករថយចុះក្នុងឈាម និងស្លេកស្លាំង ។
រៀបចំណាត់ជួប
ធ្វើការណាត់ជួបជាមួយគ្រូពេទ្យប្រសិនបើអ្នករមួលក្រពើដែលធ្ងន់, ញឹកញាប់ និងមិនធូរស្រាលក្រោយពីការព្យាបាលនៅផ្ទះដោយខ្លួនឯង ។
នៅពេលដែលអ្នកទៅជួបនឹងគ្រូពេទ្យ, សូមយកនូវព័ត៌មានដែលចាំបាច់រួមមាន ប្រតិកម្ម នានា ឬជំងឺមួយចំនួន និងឈ្មោះថ្នាំដែលបានប្រើ, វីតាមីន និងថ្នាំ ផ្សេងៗទៀត ។
គ្រូពេទ្យនឹងសួរសំនួរមួយចំនួនដើម្បីជួយកំណត់ថាតើអ្នកគួរតែធ្វើតេស្តេមួយចំនួន ឬរក អ្នកឯកទេសផ្ទាល់ ឬយ៉ាងណា ។ ដើម្បីបង្កើតនូវការណាត់ជួប, សូមពិចារណាជាមុនទៅនឹងចម្លើយនៃសំនួរខាងក្រោម៖
-នៅពេលណាដែលអ្នកវិវឍ្ឍការរមួលក្រពើនេះដំបូង?
– ការរមួលក្រពើវាធ្ងន់ ឬញឹកញាប់ទេ?
-មានអ្វីជាការកត់សម្គាល់ច្បាស់នៃការរមួលសាច់ដុំរបស់អ្នក ដូចជាការធ្វើលំហាត់ប្រាណតិច ឬខ្លាំងជាដើម ?
– តើអ្នកធ្លាប់មានការរមួលក្រពើឬទេនៅពេលដែលអ្នកសម្រាក?
-ការច្របាច់បន្ថយនូវការរមួលនេះបានដែរឬទេ? តើអ្នកមានរោគសញ្ញាដទៃទៀតរួមមានខ្សោយ, ឈឺសាច់ដុំ ឬមានអារម្មណ៍ថាជើង, ដៃ ធ្លាក់ចុះ(គ្មានកម្លាំង)?
– តើសាច់ញាតិរបស់អ្នកមានប្រវត្តិនៃការរមួលសាច់ដុំនេះដែរឬទេ?
-តើអ្នកបានសម្គាល់ពីការប្រែប្រួលនានានៃទឹកនោមបន្ទាប់ពីហាត់ប្រាណរួចដែរ ឬទេ?
-តើអ្នកធ្លាប់ប្រើប្រាស់ថ្នាំជំនួយកំលាំងដែរឬទេ?
ការព្យាបាល និងថ្នាំ
-ជាធម្មតាអ្នកអាចព្យាបាលការរមួលសាច់ដុំនេះដែលខ្លួនឯងនៅផ្ទះ ។ គ្រូពេទ្យអាចបង្ហាញអ្នកនៃកាយវិការច្របាច់ដែលអាចជួយអ្នកដើម្បីបន្ថយនៃការរមួលក្រពើនេះ ។
សូមឲ្យច្បាស់ថាអ្នកនៅក្នុងស្ថានភាពមួយដែលមានជាតិទឹកគ្រប់គ្រាន់, ស្ថានភាពនេះគឺអាចជួយអ្នកបាន ។
-ចំពោះការរមួល ថ្មីៗដែលរំខានដល់ដំណេក, គ្រូពេទ្យអាចចេញវេជ្ជបញ្ជាដើម្បីធ្វើឲ្យសាច់ដុំរបស់អ្នករលា ៕
ចែករំលែកព័តមាននេះ