ខេត្តមណ្ឌលគិរី ៖ ដីព្រៃបម្រុងរបស់រដ្ឋ ឬតំបន់ព្រៃខៀវប្រមាណជិត៥,០០០ហិកតា ក្នុងភូមិសាស្ត្រឃុំរយ៉ ស្រុកកោះញែក ខេត្តមណ្ឌលគិរី កំពុងត្រូវបានមនុស្សមួយក្រុមកាប់ទន្ទ្រានរុករានយកដីធ្វើជាកម្មសិទ្ធិផ្ទាល់ខ្លួន ខណៈអាជ្ញាធរខេត្តហាក់មិនមានចំណាត់ការចំពោះសកម្មភាពបំផ្លាញព្រៃឈើដ៏រង្គាលក្នុងតំបន់នោះឡើយ សង្ស័យអាជ្ញាធរបានជាប់ពាក់ព័ន្ធផលប្រយោជន៍ណាមួយក៏មិនដឹង…
ខេត្តមណ្ឌលគិរី ៖ ដីព្រៃបម្រុងរបស់រដ្ឋ ឬតំបន់ព្រៃខៀវប្រមាណជិត៥,០០០ហិកតា ក្នុងភូមិសាស្ត្រឃុំរយ៉ ស្រុកកោះញែក ខេត្តមណ្ឌលគិរី កំពុងត្រូវបានមនុស្សមួយក្រុមកាប់ទន្ទ្រានរុករានយកដីធ្វើជាកម្មសិទ្ធិផ្ទាល់ខ្លួន ខណៈអាជ្ញាធរខេត្តហាក់មិនមានចំណាត់ការចំពោះសកម្មភាពបំផ្លាញព្រៃឈើដ៏រង្គាលក្នុងតំបន់នោះឡើយ សង្ស័យអាជ្ញាធរបានជាប់ពាក់ព័ន្ធផលប្រយោជន៍ណាមួយក៏មិនដឹង ។
ក្រុមអ្នកតាមដានបរិស្ថានបានឲ្យដឹងថា ចាប់តាំងពីឆ្នាំ២០១៥ មក ព្រៃនៅតំបន់ព្រៃខៀវក្នុងស្រុកកោះញែក បានរងនូវការកាប់បំផ្លាញដុតកម្ទេចដើម្បីយកដីធ្វើជាកម្មសិទ្ធផ្ទាល់ខ្លួន រហូតធ្វើឲ្យព្រៃក្នុងតំបន់ខាងលើ ដែលធ្លាប់ជាព្រៃស្រោងសម្បូរដើមឈើធំៗ និងសត្វព្រៃកម្រជាច្រើនប្រភេទ បានក្លាយទៅជាវាលរហោឋានក្នុងពេលមួយពពេចភ្នែក ។
ប្រជាពលរដ្ឋរស់ឃុំរយ៉ ស្រុកកោះញែក បានឲ្យដឹងថា ប៉ុន្មានថ្ងៃមកនេះ ពោលគឺចាប់ពីដើមខែធ្នូឆ្នាំ២០១៧ គេបានឃើញបុគ្គលឈ្មោះ កែវ វុទ្ធី ដែលជាមេខ្យល់នាំប្រជាពលរដ្ឋមកពីខេត្តឆ្ងាយៗដូចជា ព្រៃវែង កំពង់ចាម កំពង់ធំ កំពង់ស្អឺ ស្វាយរៀង ក្រចេះ ពោធិសាត់ ។ល។ រាប់រយនាក់ចូលទៅកាប់ព្រៃ ដើម្បីរានយកដីជាបន្តបន្ទាប់ ។ ប្រភពថាឈ្មោះ កែវ វុទ្ធី នេះបានធ្វើសកម្មភាពឃោនានាំប្រជាពលរដ្ឋក្រីក្រមកកាប់ព្រៃក្នុងតំបន់ខាងលើ ជាច្រើនឆ្នាំមកហើយ រហូតធ្លាប់ត្រូវបាននគរបាលខេត្តមណ្ឌលគិរីចាប់ឃាត់ខ្លួនទៅសាលាដំបូងខេត្តនិងជាប់ពន្ធនាគារ៣ថ្ងៃប៉ុណ្ណោះ ដើម្បីឲ្យរាង ។
ប្រភពបានឲ្យដឹងថា បន្ទាប់ពីជាប់ពន្ធនាគារឈ្មោះ កែវ វុទ្ធី បានផ្អាកសកម្មភាពមួយរយៈ ប៉ុន្តែថ្មីៗនេះក្រោយពេលចេញេពីគុក គេបានសង្កេតឃើញថា លោក កែវ វុទ្ធី បានធ្វើសកម្មភាពកក្រើកឡើងវិញ ដោយមានទាំងគ្នីគ្នាជាច្រើនរូបថែមទៀតផង ៕
ចែករំលែកព័តមាននេះ