ខេត្តកំពង់ស្ពឺ ៖ មុខសញ្ញាជក់ និងចែកចាយថ្នាំញៀន៣នាក់ ត្រូវបានសមត្ថកិច្ចក្របួចជាប់ព្រមទាំងដកហូតបានថ្នាំញៀន និងឧបករណ៍វេចខ្ចប់ដប និងទុយោសម្រាប់ជក់ថ្នាំមួយចំនួនក្រុមជនសង្ស័យត្រូវបានដឹងថាជាតៃកុងឡានដឹកកម្មកររោងចក្រផងដែរ ។ ក្រោយឆែករកឃើញថ្នាំញៀន និងឧបរករណ៍វេចខ្ចប់…
ខេត្តកំពង់ស្ពឺ ៖ មុខសញ្ញាជក់ និងចែកចាយថ្នាំញៀន៣នាក់ ត្រូវបានសមត្ថកិច្ចក្របួចជាប់ព្រមទាំងដកហូតបានថ្នាំញៀន និងឧបករណ៍វេចខ្ចប់ដប និងទុយោសម្រាប់ជក់ថ្នាំមួយចំនួនក្រុមជនសង្ស័យត្រូវបានដឹងថាជាតៃកុងឡានដឹកកម្មកររោងចក្រផងដែរ ។ ក្រោយឆែករកឃើញថ្នាំញៀន និងឧបរករណ៍វេចខ្ចប់ និងជក់មួយចំនួន រួចមកសមត្ថកិច្ចបានឃាត់ខ្លួននៅអធិការដ្ឋាននគរបាលស្រុក ដើម្បីកសាងសំណុំរឿងតាមនីតិវិធី ។ ការឃាត់ខ្លួនខណៈដែលសមត្ថកិច្ចដាក់ប៉ុស្តិ៍ឆែកឆេរអាវុធជាតិផ្ទុះ ដើម្បីបង្ការទប់ស្កាត់បទល្មើសមិនឲ្យកើតមានក្នុងភូមិសាស្ត្រស្រុកភ្នំស្រូច ។
នគរបាលស្រុកភ្នំស្រួចបានប្រាប់ថា នៅវេលាម៉ោង២២និង៣៤នាទីយប់ ថ្ងៃទី១១ ខែធ្នូ ឆ្នាំ២០១៧ នៅមុខសាលាស្រុកស្រាប់តែប្រទះមុខសញ្ញាសង្ស័យចែកចាយ និងជក់គ្រឿងញៀន៣នាក់ ជិះរថយន្តតូរីសមកដល់ ។ កម្លាំងសមត្ថកិច្ចបានធ្វើការត្រួតពិនត្យ និងឃាត់រថយន្តមួយគ្រឿងរបស់ជនសង្ស័យ ពណ៌ខៀវ ស្លាកលេខ កំពង់ស្ពឺ ២A-១៣៧៨ បើកបរដោយឈ្មោះ មឿង ចាន់រៈ អាយុ២៧ឆ្នាំ ភេទប្រុស នៅភូមិគោករងៀង ឃុំស្គុះ ស្រុកសំរោងទង ខេត្តកំពង់ស្ពឺ ជាម្ចាស់រថយន្តឈ្មោះ កែវ រតនា អាយុ៣៦ឆ្នាំ ភេទប្រុស មុខរបរយោធាមានទីលំនៅភូមិបូរីកម្មករសង្កាត់ច្បារមន ក្រុងច្បារមន ខេត្តកំពង់ស្ពឺ ឈ្មោះ ណៃ មករា អាយុ២៣ឆ្នាំ ភេទប្រុស ទីលំនៅភូមិរលាំងសង្កែ សង្កាត់សុពរ័ទេព ក្រុងច្បារមន ។
ក្រោយឃាត់សមត្ថកិច្ចឆែកឆេររកឃើញម្សៅក្រាមពណ៌សថ្លា ចំនួន១កញ្ចប់តូច និងសម្ភារឧបករណ៍វេចខ្ចប់ និងប្រដាប់សម្រាប់ប្រើប្រាស់គ្រឿងញៀន មានដបទឹកសុទ្ធ ទុយោជ័រ ដែកកេះមួយចំនួន ។ បន្ទាប់ពីឆែករកឃើញវត្ថុតាង និងថ្នាំញៀនរួចមក កម្លាំងសមត្ថកិច្ចបានឃាត់ជនសង្ស័យទាំង៣នៅអធិការដ្ឋាននគរបាលស្រុក ដើម្បីកសាងសំណុំរឿង បញ្ជូនទៅការិយាល័យប្រឆាំងគ្រឿងញៀនចាត់ការបន្ត ។
នៅចំពោះមុខសមត្ថកិច្ច ក្រុមជនសង្ស័យបានឆ្លើយសារភាពថា ពួកគេពិតជាបានជក់ថ្នាំញៀនប្រាកដមែន គឺក្រោយពេលដែលដឹកកម្មករចេញពីធ្វើការដាក់តាមផ្ទះអស់ ។ ការជក់ថ្នាំញៀននេះ គឺពួកគេជក់ច្រើនឆ្នាំមកហើយ ទើបតែលើកនេះត្រូវសមត្ថកិច្ចចាប់បាន ។ ដោយឡែកសមត្ថកិច្ចប្រាប់ថា ក្នុងចំណោមជនសង្ស័យទាំង៣នាក់ ពេលដែលសមត្ថកិច្ចឃាត់ គឺនៅស្រវឹងថ្នាំនៅឡើយ ។ ក្រុមជនសង្ស័យមិនបានឆ្លើយសារភាពថា ថ្នាំញៀនដែលពួកគេជក់ និងចែកចាយបន្តនេះ ទទួលមកពីមេខ្លោងណាមួយឡើយ ។
បើទោះជាក្រុមជនសង្ស័យមិនឆ្លើយប្រាប់ពីអត្តសញ្ញាណបក្ខពួកជាមេខ្លោងក្តី នៅព្រឹកថ្ងៃទី១២ ធ្នូ នេះ សមត្ថកិច្ចបានកសាងសំណុំរឿង ដើម្បីបញ្ជូនទៅកាន់ការិយាល័យប្រឆាំងគ្រឿងញៀន ចាត់ការបន្តតាមច្បាប់ ៕
ចែករំលែកព័តមាននេះ