រាជធានីភ្នំពេញ ៖ កម្លាំងប្រជាការពារនិងប្រជាពលរដ្ឋ បានឃាត់ខ្លួនប្ដីប្រពន្ធមួយគូដែលបានបង្ករបួសស្នាមទៅលើបុរសម្នាក់ ដោយធាក់បុរសនោះ១ជើងព្រោះតែភ្ញាក់ ខណៈកំពុងជិះម៉ូតូតាមផ្លូវហើយវាក់គ្នា បណ្ដាលឲ្យបុរសខាងលើដួលម៉ូតូច្រងាប់ច្រងិលរងរបួសរលាត់ដៃជើងយ៉ាងដំណំ ។បន្ទាប់មក ២នាក់ប្តីប្រពន្ធនេះបានព្យាយាមគេចខ្លួន ប៉ុន្តែគេចមិនរួចដោយសារត្រូវប្រជាការពារនិងប្រជាពរដ្ឋជាអ្នកដំណើរឃើញហេតុការណ៍ផ្ទាល់ភ្នែក…
រាជធានីភ្នំពេញ ៖ កម្លាំងប្រជាការពារនិងប្រជាពលរដ្ឋ បានឃាត់ខ្លួនប្ដីប្រពន្ធមួយគូដែលបានបង្ករបួសស្នាមទៅលើបុរសម្នាក់ ដោយធាក់បុរសនោះ១ជើងព្រោះតែភ្ញាក់ ខណៈកំពុងជិះម៉ូតូតាមផ្លូវហើយវាក់គ្នា បណ្ដាលឲ្យបុរសខាងលើដួលម៉ូតូច្រងាប់ច្រងិលរងរបួសរលាត់ដៃជើងយ៉ាងដំណំ ។បន្ទាប់មក ២នាក់ប្តីប្រពន្ធនេះបានព្យាយាមគេចខ្លួន ប៉ុន្តែគេចមិនរួចដោយសារត្រូវប្រជាការពារនិងប្រជាពរដ្ឋជាអ្នកដំណើរឃើញហេតុការណ៍ផ្ទាល់ភ្នែក ដេញតាមចាប់បានរួចនាំទៅប្រគល់ឲ្យនគរបាល ។ ពេលនោះនគរបាលបានធ្វើការសួរនាំនិងសម្របសម្រួល ហើយអ្នកដែលអះអាងថាភ្ញាក់ធាក់គេ១ជើងនេះ បានយល់ព្រមសងប្រាក់ចំនួន៣៥ម៉ឺនរៀលទៅឲ្យជនរងគ្រោះដើម្បីព្យាបាលរបួសនិងបញ្ចប់រឿង ។
ហេតុការណ៍ខាងលើ បានកើតឡើងកាលពីវេលាម៉ោង៩និង២០នាទីព្រឹកថ្ងៃទី១០ ខែធ្នូ នៅតាមផ្លូវជាតិលេខ៣ ក្បែរបញ្ជាការដ្ឋានកងពលតូចលេខ៧០ ស្ថិតក្នុងភូមិព្រៃព្រីងខាងត្បូង សង្កាត់ចោមចៅទី២ ខណ្ឌពោធិ៍សែនជ័យ ។ ទោះជាយ៉ាងណា ២នាក់ប្ដីប្រពន្ធនេះព្រមទាំងអ្នករងគ្រោះផង មិនបានប្រាប់ឈ្មោះឲ្យដឹងឡើយ ។តាមអ្នកឃើញហេតុកាណ៍ផ្ទាល់ភ្នែកនិយាយថា ពួកគាត់ឃើញ២នាក់ប្តីប្រពន្ធនេះជិះម៉ូតូ១គ្រឿងម៉ាកហុងដាឌ្រីម សេ១២៥ ពណ៌ខ្មៅ ពាក់ផ្លាកលេខ ភ្នំពេញ ១CJ-៤៩១៥ ធ្វើដំណើរពីត្បូងទៅជើងក្នុងល្បឿនលឿន ។ លុះទៅដល់ចំណុចខាងលើ ក៏មានម៉ូតូហុងដាឌ្រីម សេ១២៥ ពណ៌ខ្មៅ១គ្រឿងទៀត ពាក់ផ្លាកលេខ ភ្នំពេញ ១H-៥៤៥៤ បើកបរដោយបុរសម្នាក់បានឆ្លងផ្លូវពីលិចទៅកើតបម្រុងបត់ទៅទិសខាងជើង។ ពេលនោះ ក៏ត្រូវអ្នកជិះម៉ូតូជិះ២នាក់ប្តីប្រពន្ធធាក់ចំកង់មុខបណ្ដាយឲ្យបុរសដែលជិះម៉ូតូម្នាក់ឯង ដួលបោកទៅនឹងថ្នល់រងរបួសរលាត់ដៃជើងយ៉ាងដំណំ។
ប្រភពខាងលើបន្តទៀតថា ភ្លាមៗនោះអ្នកជិះម៉ូតូធាក់គេមិនបានឈប់ឡើយ គឺព្យាយាមជិះរត់គេចខ្លួន ។ ដោយសារឃើញផ្ទាល់ភ្នែកបែបនេះ ទើបពួកគាត់មិនអាចមិនឈឺឆ្អាលបានឡើយ ក៏បានសហការជាមួយកម្លាំងប្រជាការពារភូមិនាំគ្នាដេញតាមចម្ងាយប្រមាណ៥០០ម៉ែត្រទើបឃាត់បាន ។បន្ទាប់មក បាននាំ២នាក់ប្តីប្រពន្ធនេះទៅប្រគល់ឲ្យនគរបាលប៉ុស្តិ៍ចោមចៅទី២ដើម្បីសាកសួរ និងត្រូវបានប្រាប់ថា នៅពេលគាត់កំពុងជិះម៉ូតូដល់ចំណុចខាងលើ ស្រាប់តែលេចមុខម៉ូតូឆ្លងផ្លូវទៅដល់ ជាហេតុធ្វើឲ្យភ្ញាក់ក៏ធាក់ទៅលើកង់មុខម៉ូតូនោះទាំងមិនដឹងខ្លួន ។ បន្ទាប់មក នគរបាលបានធ្វើការសម្របសម្រួលភាគីទាំងសងខាង ហើយអ្នកជិះម៉ូតូធាក់គេដែលអះអាងថាមកពីការភ្ញាក់និងព្យាយាមរត់នោះ យល់ព្រមសងប្រាក់ចំនួន៣៥ម៉ឺនរៀលទៅឲ្យជនរងគ្រោះដើម្បីព្យាបាលរបួសនិងបញ្ចប់រឿង ៕
ចែករំលែកព័តមាននេះ