រាជធានីភ្នំពេញ ៖ អស្ចារ្យ!កីឡាករប៉េតង់ជម្រើសជាតិក្រោមអាយុ១៧ឆ្នាំកម្ពុជា ឃួន
លីហ៊ ដណ្ដើមបានមេដាយមាស១គ្រឿងពីព្រឹត្តិការណ៍ប្រកួតកីឡាប៉េតង់ជ្រើសរើសជើងឯកអាស៊ី ឆ្នាំ២០១៧ នៅប្រទេសថៃ ។ នេះបើតាមលោក សូម៉ៃ សុខគា អគ្គលេខា
ធិការរងសហព័ន្ធកីឡាប៉ូល និងប៉េតង់កម្ពុជា ថ្លែងប្រាប់អ្នកសារព័ត៌មានកាលពីល្ងាចថ្ងៃទី១០ ធ្នូ ឆ្នាំ២០១៧ ។
លោក សូម៉ៃ សុខគា បានឲ្យដឹងថា កីឡាករឃួន លីហ៊ បានទទួលជ័យជម្នះជាបន្ដបន្ទាប់
ក្នុងការប្រកួតរហូតដល់វគ្គពាក់កណ្ដាលផ្ដាច់ព្រ័ត្រគេបានទម្លាក់កីឡាករម្ចាស់ផ្ទះថៃ បន្ទាប់មកបានយកឈ្នះកីឡាករម៉ាឡេស៊ីក្នុងវគ្គផ្ដាច់ព្រ័ត្រដើម្បីឈ្នះមេដាយមាសលើវិញ្ញាសាវាយយកពិន្ទុយុវជនតែម្ដង ។
សូមបញ្ជាក់ថា គិតត្រឹមល្ងាចថ្ងៃទី១០ធ្នូគឺក្រុមកីឡាប៉េតង់កម្ពុជាដណ្ដើមបានមេដាយ៣គ្រឿងហើយក្នុងនោះមេដាយសំរឹទ្ធ២គ្រឿងដណ្ដើមបានដោយកីឡាករ សុខ ចាន់មាន និងកីឡាការិនី អ៊ុក ស្រីមុំ និងមេដាយមាសរកបានដោយកីឡាករវ័យ១៧ឆ្នាំ ឃួន លីហ៊៕
ចែករំលែកព័តមាននេះ