ខេត្តត្បូងឃ្មុំ ៖ រថយន្តដឹកការ៉េមដើរលក់តាមភូមិ១គ្រឿងត្រូវបានរថយន្តដឹកគ្រឿងចក្របើកមកកៀរ
បណ្តាលឲ្យក្រឡាប់នៅរសៀលថ្ងៃទី១១ ខែធ្នូនេះ ត្រង់ចំនុចភូមិជាំទ្រៀក ឃុំត្រមូង ស្រុកមេមត់
បណ្តាលឲ្យពីរនាក់ប្តីប្រពន្ធជិះលើរថយន្តរងរបួស ដោយមិនបានប៉ះពាល់ដល់អាយុជីវិតនោះទេ ។
អ្នកបើករថយន្តដឹកការែមឈ្មោះក្តឹប ផារិទ្ធ អាយុ២៧ឆ្នាំ នៅស្រុកមេមត់ប្រាប់ឲ្យដឹងថា រូបគេបាន
រៀបសម្ភាររួចរាល់លើកដាក់លើរថយន្តតូច១គ្រឿង ហើយក៏បានបើកចេញមកលក់តាមភូមិជាមួយ
នឹងប្រពន្ធឈ្មោះចំ គន្ធា អាយុ២៥ឆ្នាំ ស្របពេលដល់ត្រង់ចំនុចភូមិឃុំខាងលើ កន្លែងជាងជួសជុល
រថយន្តដោយបានបង្អង់ល្បឿនឈប់ខាងផ្លូវ ។
អ្នកបើកដឹកការ៉េមប្រាប់បន្តថា រថយន្តនេះគាត់បានទិញបានកែច្នៃធ្វើលិចកើតអស់ជិត៤០០០ដុល្លារ មិនទាន់បាន១ខែត្រឹមត្រូវនោះទេ ហើយបាននាំគ្នាចេញពីស្រុកកំណើតខេត្តកណ្តាលមកលក់ការ៉េមនៅស្រុកមេមត់ ដើម្បីដោះស្រាយជីវភាពគ្រួសារ ។ ជាក់ស្តែងនៅរសៀលថ្ងៃខាងលើស្របពេលដែលបើករថយន្តចេញមក ដើម្បីលក់តាមភូមិឋាននានានោះ ក្នុងពេលដែលមកដល់ត្រង់ចំណុចនេះមានពលរដ្ឋបានហៅឲ្យឈប់ដើម្បីទិញការ៉េមហូប ស្រាប់តែរៀបនឹងឈប់អែបខាងក៏មានរថយន្ត១គ្រឿងដឹកគ្រឿងចក្រ បានបើកក្នុងទិសដៅស្របគ្នាចេញមកពីខាងផ្សារមេមត់មកកៀររថយន្តរបស់គាត់ក្រឡាប់បាស់ជើងច្រូង ។
ជាហេតុធ្វើឲ្យពួកគាត់ពីរនាក់ប្តីប្រពន្ធបានរងរបួសតែសំណាងមិនធ្ងន់នោះទេ ហើយធុងការ៉េមដាក់លើរថយន្តទ្រុងខាងក្រោយបានរងការខូចខាតព្រមទាំងបែកកញ្ចក់ទូរជ្រុះបែកពេញថ្នល់ រថយន្តដឹកគ្រឿងចក្រនោះបានបើកទៅមុខចម្ងាយប្រហែលជា២០០ម៉ែត្រក៏បានឈប់អែបខាងផ្លូវជាតិលេខ៧ ។ ចំពោះការខូចខាតរថយន្ត និងសម្ភារលើរថយន្តសូមឲ្យភាគីរថយន្តដែលបង្កឲ្យជួយចេញសំណងថ្លៃការខូចខាត ។
លោកអនុសេនីយ៍ឯក ថាញ់ សុខវ៉ាត អធិការរងនគរបាលស្រុកមេមត់ប្រាប់ឲ្យដឹងដែរថា ក្រោយពីមា
នហេតុការណ៍ខាងលើលោកបានដឹកនាំកម្លាំងចរាចរណ៍ស្រុកមេមត់ ចុះទៅដល់កន្លែងកើតហេតុដោយភាគីរថយន្តដឹកគ្រឿងចក្រ បានព្រមចេញសំណងជិត១.០០០ដុល្លារឲ្យទៅភាគីរថយន្ត
លក់ការ៉េម ដើម្បីជួសជុលរថយន្តដែលខូចខាតនោះផងដែរ ៕
ចែករំលែកព័តមាននេះ