ខេត្តកំពង់ស្ពឺ ៖ បុរសម្នាក់បើកម៉ូតូតែម្នាក់ឯងពេលយប់អត់ពាក់មួកសុវត្ថិភាពត្រូវរថយន្តតាក់ស៊ី០១គ្រឿង បើកបញ្ច្រាសបុកចំពីមុខស្លាប់ភ្លាមៗនៅកន្លែងកើតហេតុ ។ គ្រោះថ្នាក់ដ៏រន្ធត់នេះ បានកើតឡើងកាលពីម៉ោង៩និង១៥នាទីយប់ថ្ងៃទី១០ ខែធ្នូ ឆ្នាំ២០១៧ ផ្លូវជាតិលេខ៤…
ខេត្តកំពង់ស្ពឺ ៖ បុរសម្នាក់បើកម៉ូតូតែម្នាក់ឯងពេលយប់អត់ពាក់មួកសុវត្ថិភាពត្រូវរថយន្តតាក់ស៊ី០១គ្រឿង បើកបញ្ច្រាសបុកចំពីមុខស្លាប់ភ្លាមៗនៅកន្លែងកើតហេតុ ។ គ្រោះថ្នាក់ដ៏រន្ធត់នេះ បានកើតឡើងកាលពីម៉ោង៩និង១៥នាទីយប់ថ្ងៃទី១០ ខែធ្នូ ឆ្នាំ២០១៧ ផ្លូវជាតិលេខ៤ ភូមិឡ ឃុំកាហែង ស្រុកសំរោងទង ខេត្តកំពង់ស្ពឺ ។
ជនរងគ្រោះឈ្មោះ ស៊ុន នៅ ភេទប្រុស អាយុ២៨ឆ្នាំ រស់នៅភូមិក្រាំងក្រូច ឃុំស្គុះ ស្រុកសំរោងទង ខេត្តកំពង់ស្ពឺ បើកម៉ូតូ C១២៥ ស៊េរី២០១៣ ពណ៌ខ្មៅ ស្លាកលេខភ្នំពេញ១BS-៧០៦៥ ។ ចំណែករថយន្តបង្ក ព៌ណស ស្លាកលេខ ភ្នំពេញ ២R-៣៤២៤រត់ឈ្នួល អ្នកបើកបរមិនស្គាល់ឈ្មោះ ។
ព័ត៌មានពីប៉ូលិសចរាចរណ៍បានឲ្យដឹងថា មុនពេលកើតហេតុជនរងគ្រោះ បើកម៉ូតូតែម្នាក់ឯង ពីលិចទៅកើត អត់ពាក់មួកសុវត្ថិភាពទេ ។ លុះមកដល់កន្លែងកើតហេតុ មានរថយន្តឈ្នួល១គ្រឿង បើកបញ្ច្រាសទិសពីកើតទៅលិចជ្រុលបុកម៉ូតូជនរងគ្រោះចំពីមុខពេញទំហឹងធ្វើឲ្យខ្ទាតអ្នកបើកចេញពីម៉ូតូ ស្លាប់ភ្លាមៗនៅកន្លែងកើតហេតុ ។ ដោយឡែកអ្នកបើករថយន្តវិញ ក្រោយបុកមនុស្សស្លាប់ បានចតរថយន្តចោល រត់គេចខ្លួន បាត់ស្រមោល។
ក្រោយកើតហេតុប៉ូលិសចរាចរណ៍បានចុះដល់កន្លែងកើតហេតុវាស់វែងតាមជំនាញទើបប្រគល់សពឲ្យក្រុមគ្រួសារយកទៅកាន់គេហដ្ឋានរៀបចំធ្វើបុណ្យតាមប្រពៃណី ។ ចំណែកយានយន្តទាំង២គ្រឿងប៉ូលិសរក្សាទុកនៅអធិការដ្ឋានស្រុកសំរោងទង ស្រាវជ្រាវរកជនបង្ក ចាត់ការតាមនីតិវិធី ៕
ចែករំលែកព័តមាននេះ