ខេត្តកំពង់ស្ពឺ ៖ បុរសម្នាក់កំពុងបើករថយន្តឆ្លងថ្នល់ មិនទាន់ផុតផង ស្រាប់តែកុងតឺន័របើកលឿនជ្រុលចង្កូតបុកចំពាក់កណ្តាល ហើយអ្នកបង្កចតរថយន្តចោល រត់គេចខ្លួនបាត់ ។ គ្រោះថ្នាក់រថយន្តបុកគ្នានេះ បានកើតឡើងកាលពីម៉ោង០២និង១០នាទីរសៀល…
ខេត្តកំពង់ស្ពឺ ៖ បុរសម្នាក់កំពុងបើករថយន្តឆ្លងថ្នល់ មិនទាន់ផុតផង ស្រាប់តែកុងតឺន័របើកលឿនជ្រុលចង្កូតបុកចំពាក់កណ្តាល ហើយអ្នកបង្កចតរថយន្តចោល រត់គេចខ្លួនបាត់ ។ គ្រោះថ្នាក់រថយន្តបុកគ្នានេះ បានកើតឡើងកាលពីម៉ោង០២និង១០នាទីរសៀល ថ្ងៃទី១០ ខែធ្នូ ឆ្នាំ២០១៧ ស្ថិតលើផ្លូវជាតិលេខ៤ ក្នុងភូមិវល្លិសរ ឃុំវល្លិសរ ស្រុកសំរោងទង ខេត្តកំពង់ស្ពឺ ។
រថយន្តរងគ្រោះម៉ាកស៊ីណា ពណ៌ស ពាក់ស្លាកលេខ ភ្នំពេញ ២AH-១០៩៩ អ្នកបើកបរឈ្មោះ កាដ ចន្ថា ភេទប្រុស អាយុ៤១ឆ្នាំ រស់នៅភូមិតាសរ ឃុំស្រងែ ស្រុកព្រៃឈរ ខេត្តកំពង់ចាម ។ ចំណែករថយន្តបង្កប្រភេទកុងតឺន័រ ពណ៌ក្រហម ពាក់ស្លាកលេខ ព្រះសីហនុ ១A-២៣៤៥ អ្នកបើកបរមិនស្គាល់ឈ្មោះ ។
ប្រភពព័ត៌មានពីសាក្សីដែលបានឃើញហេតុការណ៍ បានបប្រាប់ថា មុនពេលកើតហេតុ គេឃើញរថយន្តរងគ្រោះបើកឆ្លងផ្លូវជាតិលេខ៤ ពីទិសខាងជើងទៅត្បូង ។ ខណៈពេលឆ្លងមិនទាន់ផុតផង ក៏មានរថយន្តកុងតឺន័របង្កបើកមកពីទិសខាងលិចសំដៅទៅកើត ដោយល្បឿនលឿន ចាប់ហ្វ្រាំងមិនទាន់បានជ្រុលបុករថយន្តរងគ្រោះចំពាក់កណ្តាលរថយន្តពេញទំហឹង បណ្ដាលឲ្យរថយន្តទាំង២គ្រឿងខូចខាត តែគ្មានមនុស្សជិះក្នុងរថយន្តណាម្នាក់រងរបួសទេ ។
ប្រភពដដែលបន្តថា ក្រោយកើតហេតុ អ្នកបើករថយន្តបង្កបានរត់គេចខ្លួនទុករថយន្តនៅកន្លែងកើតហេតុ ។ បច្ចុប្បន្ន នគរចរាចរណ៍បានអូសយករថយន្តទាំង២គ្រឿងមករក្សាទុកនៅអធិការដ្ឋានស្រុកសំរោងទង ដើម្បីស្រាវជ្រាវឲ្យម្ចាស់រថយន្តបង្កចូលខ្លួនដោះស្រាយសំណងខូចខាតជាមួយជនរងគ្រោះនៅពេលក្រោយ ៕
ចែករំលែកព័តមាននេះ