រាល់ចុងឆ្នាំម្តងៗ…ការងារផលិតកម្ម-សេវាកម្មទាំងឡាយរបស់រដ្ឋ…ត្រូវដាក់ឱ្យដេញថ្លៃតាមសេដ្ឋកិច្ចទីផ្សារសេរី…។
ជាទម្លាប់អាក្រក់ដែលកើតមានតាំងពីសង្គមមុនៗមកម្ល៉េះ…អាជីវករតូចធំទាំងឡាយដែលចូលរួមដេញថ្លៃ…ច្រើនតែប្រើល្បិចកេងប្រវញ្ច…ប្រើល្បិចដណ្តើមយកឈ្នះតាមរយៈដែលគេហៅថា «ផឹកទឹកតែ»…ជា
ល្បិចលួចចំណូលរដ្ឋធំណាស់…។
មន្ត្រីដែលទទួលបន្ទុកដាក់ឱ្យដេញថ្លៃ…សុទ្ធតែដឹង!…ប៉ុន្តែដែលធ្វើមិនដឹងគឺមកពី «ទឹកតែ» វា «ចត់» វាក្លាយ
ជារឿងពុករលួយធម្មតាទៅហើយ…។
បើបានដាក់ឱ្យដេញថ្លៃ…បើគ្មានក្រោមតុទេ…គេថាភ្លើ! នេះជាទម្លាប់អាក្រក់មានពីដើមៗមក ។រាល់ការដាក់ឱ្យដេញថ្លៃ…និយាយដោយត្រង់ៗទៅ…ទាំងមន្ត្រីទាំងអាជីវករចូលដេញថ្លៃ…មិនចង់ឃើញអ្នកកាសែតចូលរួមទេ…ហើយក៏គ្មានបំណងឱ្យអ្នកកាសែតដឹងដែរ…ព្រោះខ្លាចបែកពាងប្រហុក…។
ជួបជាមួយប្រធានលទ្ធភាពម្នាក់ក្នុងអាណាចក្រមួយ…
-សូមទោសលោកប្រធាន…ដូចជាមិនទាន់បានឮ បានឃើញដាក់ឱ្យដេញថ្លៃស្អីសោះ…ដូចជាកន្លែងកំពង់ចម្លង…ភាស៊ីផ្សារ ភាស៊ីចំណត…យឿត្រី…កំពង់ផែ…នៅមានច្រើនទៀតដូចជារាប់មិនអស់ទេ…! (អ្នកកាសែតសួរ)
លោកប្រធានលទ្ធកម្មមានវ័យចំណាស់បន្តិច…ឮអ្នកកាសែតដែលធ្លាប់រាប់អានគ្នា…ឃើញមុខគ្នាញឹកញយ…សួររឿង «ដេញថ្លៃ»…ងើបមុខបន្លិច…មើលមុខអ្នកកាសែតខ្ញុំរួចដោះវែនតាមីញ៉ូបកញ្ចក់ក្រាស់ចេញ…ហើយឆ្លើយតបវិញដូចមិនសប្បាយចិត្តសោះ…។
-ស្អី !?…រឿងដេញថ្លៃចាំបាច់សួរដែរ…ខ្លះគេដាក់កុងត្រា៥ឆ្នាំ-១០ឆ្នាំរួចហើយ…ចាំបាច់ដេញធ្វើអី ? មិនបាច់ដេញថ្លៃទេ…គេដាក់ឱ្យធ្វើតែម្តង…ដូចជាធ្វើផ្លូវ…គេដាក់ឱ្យធ្វើតែម្តង…ដាក់ឱ្យធ្វើរួចរាល់ហើយតើ ! សួរមានការអី?
អ្នកកាសែតឮលោកប្រធានលទ្ធកម្មបំភ្លឺចំៗបែបនេះ…គ្មានវាចានឹងថ្លែងទេ…។ ប៉ុន្តែបានគិតថា ប្រសិនបើបានដាក់ឱ្យដេញថ្លៃរាល់ឆ្នាំ…គ្រប់មជ្ឈដ្ឋានគិតថាចំណូលរដ្ឋប្រាកដជាកើន…ព្រោះសេដ្ឋកិច្ចកំពុងរីកចំរើន…ឯការស្ថាបនារចនាសម្ព័ន្ធនានាប្រាកដជាថយតម្លៃ ព្រោះមានការប្រកួតប្រជែង…។
ប៉ុន្តែមិនហ៊ានថ្លើមធំសួរនាំច្រើនទេ…ខ្លាចលោកប្រធានក្រហមមុខដាក់…ចាំសួរសមាជិកដែលមិនបានចូលដេញថ្លៃវិញច្បាស់ជាង…។
ឱ! សេដ្ឋកិច្ចទីផ្សារសេរីអើយ…ឱ! បក្សពួកនិយមទីផ្សារសេរីអើយ…អ្នកណារត់ដល់មុនឈ្នះហើយ…ហេ ! ហេ !
ចែករំលែកព័តមាននេះ