កម្មកររោងចក្រ២០គ្រួសារ ទទួលបានអំណោយពីអនុសាខាកាកបាទក្រហម
- ភ្នំពេញ
រាជធានីភ្នំពេញ ៖ នៅរសៀលថ្ងៃទី១០ ខែធ្នូ ឆ្នាំ២០១៧ លោក ឌី រ័ត្នខេមរុណ អភិបាលរងខណ្ឌមានជ័យ និងជាប្រធានអនុសាខាកាកកបាទក្រហមកម្ពុជាប្រចាំខណ្ឌ…
រាជធានីភ្នំពេញ ៖ នៅរសៀលថ្ងៃទី១០ ខែធ្នូ ឆ្នាំ២០១៧ លោក ឌី រ័ត្នខេមរុណ អភិបាលរងខណ្ឌមានជ័យ និងជាប្រធានអនុសាខាកាកកបាទក្រហមកម្ពុជាប្រចាំខណ្ឌ…
រាជធានីភ្នំពេញ ៖ នៅរសៀលថ្ងៃទី១០ ខែធ្នូ ឆ្នាំ២០១៧ លោក ឌី រ័ត្នខេមរុណ អភិបាលរងខណ្ឌមានជ័យ និងជាប្រធានអនុសាខាកាកកបាទក្រហមកម្ពុជាប្រចាំខណ្ឌ បានដឹកនាំក្រុមមន្ត្រី ចៅសង្កាត់ ចុះសួរសុខទុក្ខបងប្អូនកម្មករកម្មការិនីរោងចក្រចំនួន២០គ្រួសារ ដល់តាមបន្ទប់ផ្ទះជួល ស្ថិតតាមបណ្តោយផ្លូវជាតិលេខ២ ក្នុងភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ។ លោក ឌី រ័ត្នខេមរុណ បានឲ្យដឹងថា កាលពីពេលកន្លងទៅ បងប្អូនកម្មករកម្មការិនីបម្រើការងារនៅតាមបណ្តារោងចក្រនីមួយៗ តែងជួបប្រទះការលំបាកមួយចំនួនទាក់ទងបញ្ហាថវិកា ព្រោះប្រាក់ខែរបស់បងប្អូនមិនដល់២០០ដុល្លារផង ដូច្នេះបងប្អូនប្រាកដជាជួបការលំបាកច្រើនសម្រាប់ការយកថវិកាដែលបានពីការខិតខំនេះ យកទៅផ្គត់ផ្គង់សម្រាប់ការចាយវាយខ្លួនឯង ចិញ្ចឹមក្រុមគ្រួសារ និងការចំណាយលើបញ្ហាផ្សេងៗ ដូចជាទឹកភ្លើង និងបង់ថ្លៃផ្ទះជួលជាដើម។
លោកអភិបាលរងលើកឡើងបន្តថា បើយើងក្រឡេកមកមើលនាពេលបច្ចុប្បន្ននេះវិញ ដោយមានការយកចិត្តទុកដាក់ខ្ពស់ពីសំណាក់រាជរដ្ឋាភិបាលកម្ពុជា ក្រោមការដឹកនាំប្រកបដោយការ ឈ្លៀសវៃ របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលតែងតែគិតគូរពីសុខទុក្ខពលរដ្ឋ និងលំបាករបស់បងប្អូនកម្មករកម្មការិនីរោងចក្រ ដោយក្នុងនោះ ប្រមុខរាជរដ្ឋាភិបាលបានដំឡើងប្រាក់ខែជូនបងប្អូនកម្មករច្រើនជាងមុន ,បញ្ចុះតម្លៃទឹកភ្លើង និងបានណែនាំដល់ម្ចាស់បន្ទប់ផ្ទះជួលទាំងអស់មិនត្រូវបន្តដំឡើងថ្លៃបន្ទប់ច្រើនទៀតឡើយ។ ដែលកត្តាទាំងអស់នេះ ថ្វីដ្បិតមិនអាចជួយបងប្អូនឲ្យមានជីវភាពធូរធាខ្លាំងក៏ដោយ តែក៏ជាការចូលរួមចំណែកកាត់បន្ថយការលំបាករបស់បងប្អូនកម្មករ កម្មការិនីរោងចក្រទាំងអស់គ្នាមួយកម្រិតធំ ហើយអាចឲ្យបងប្អូនរស់នៅក្នុងជីវភាពសមរម្យដូចគេឯងក្នុងសង្គមជាតិយើងនាពេលបច្ចុប្បន្ននេះផងដែរ។
ទន្ទឹមនឹងការចុះសួរសុខទុក្ខ លោក ឌី រ័ត្នខេមរុណ បានធ្វើការអំពាវនាវដល់បងប្អូនកម្មករ កម្មការិនី សូមកុំស្តាប់តាមសម្តីញុះញង់ពីបុគ្គលណាម្នាក់ ដែលមានចេតនាទុច្ចរិត បំផុសបំផុលបងប្អូនឲ្យចូលរួមធ្វើសកម្មភាពតវ៉ាផ្សេងៗ ក្នុងគោលបំណងបំផ្លិចបំផ្លាញសង្គម ពិសេសបង្កជាភាពចលាចលទាំងមូលដល់សង្គមជាតិ ស្របពេលដែលប្រទេសជាតិកំពុងមានសុខសន្តិភាព និងកំពុងឈានទៅរកការអភិវឌ្ឍន៍ជាបន្តបន្ទាប់ ទៅថ្ងៃអនាគត។ សូមបញ្ជាក់ថា ក្នុងការចុះសួរសុខទុក្ខបងប្អូនកម្មករ កម្មការិនីទាំង២០គ្រួសារខាងលើ អនុសាខាកាកកបាទក្រហមខណ្ឌមានជ័យ ក៏ផ្តល់ជូនអំណោយមួយចំនួនជូនបងប្អូន ក្នុងនោះរួមមាន ៖ អង្ករ១ប៉ាវ ទឹកត្រី១យួរ ទឹកស៊ីអ៊ីវមួយយួរ មី១កេស ទឹកសុទ្ធ១កេស និងថវិកាក្នុង១គ្រួសារ ២ម៉ឺនរៀលផងដែរ៕
ចែករំលែកព័តមាននេះ