សហរដ្ឋអាមេរិក ៖ យោងតាមសេចក្តីរាយការណ៍មួយថា ប្រធានាធិបតីអាមេរិក លោកដូណាល់ ត្រាំ ដែលកាលពីខែមុនអះអាងថា លោករវល់ខ្លាំងបំផុតក្នុងការអានឯកសារនានានេះបានមើលទូរទស្សន៍រហូតដល់ទៅ៨ម៉ោងក្នុង១ថ្ងៃ ។
ប្រភពនានានៅសេតវិមាននិយាយកាលពីថ្ងៃទី៩ ធ្នូ ទៅកាន់កាសែតញូវយ៉កថែមថា ប្រធានាធិបតីអាមេរិកមើលទូរទស្សន៍យ៉ាងតិច៤ម៉ោង ហើយជួនកាលដល់៨ម៉ោងក្នុង១ថ្ងៃ។
ប្រភពទាំងនេះនិយាយថា នាវេលាម៉ោង៥និង៣០នាទីព្រឹកលោកត្រាំ បានភ្ញាក់ពីដំណេក ហើយមើលទូរទស្សន៍នៅឯបន្ទប់សំខាន់នៃសេតវិមាន ។ លោកមើលព័ត៌មាននានាតាម CNN ហើយមើលកម្មវិធី FOX AND FRIENDS ហើយជួនកាលលោកមើលកម្មវិធី MORNING JOE តាមទូរទស្សន៍ MSNBC ។
យោងតាមកាសែតញូវយ៉កថែមថា ទូរទស្សន៍សម្រាប់ប្រធានាធិបតីគឺជា «គ្រាប់កាំ
ភ្លើង» សម្រាប់លោកធ្វើអត្ថាធិប្បាយនានាតាម TWITTER ។ ពុំមាននរណាអនុញ្ញាតឱ្យប៉ះតេឡេកុំម៉ង់ទូរទស្សន៍របស់លោកក្រៅពីរូបលោក និងបុគ្គលិកបច្ចេកទេសនៃសេតវិមានឡើយ ។ បើខកខានមើលរឿងសំខាន់មួយ លោកមើលពេលគេផ្សាយនាពេលក្រោយ ។ លោកត្រាំ ក៏មានទូរទស្សន៍មួយនៅបន្ទប់បាយនៃសេតវិមានដែលលោកចោលភ្នែកមើល ៕
ចែករំលែកព័តមាននេះ