ខេត្តកំពត ៖ បដិមាករ៤អង្គត្រូវបានគេដឹកជញ្ជូនទៅវត្តភ្នំកំចាយ តែមន្ទីរធម្មការគ្រោងនិមន្តព្រះសង្ឃមកសាកសួវត្តភ្នំកំចាយ គឺជាវត្តមួយនៅក្នុងឃុំម៉ាក់ប្រាង្គ ស្រុកទឹកឈូ ខេត្តកំពត ។ វត្តភ្នំកំចាយមានចម្ងាយជិត៥គឺឡូម៉ែត្រ ដោយឆ្លងជ្រោះកាត់ភ្នំ៨ជាន់ចាប់ពីរមណីដ្ឋានទឹកឈូ ទៅកាន់វត្ត កាលពីថ្ងៃទី០៣ ខែធ្នូ ឆ្នាំ២០១៧ ។
បដិមាករ៤អង្គទម្ងន់៤០០គីឡូក្រាម ឆ្លាក់ធ្វើអំពើថ្មសុទ្ធ ត្រូវបានគេជួលឲ្យអ្នកមានកម្លាំង ខ្លាំងក្លាដាក់រ៉ឺម៉ក់ម៉ូតូអូស និងរុញទៅតំកល់ទុកក្នុងវត្តភ្នំកំចាយមាដែលមានផ្លូវលំបាក់ និងគ្រោះថ្នាក់បំផុត ។ គេបានដឹងថាបដិមាករទាំង៤ព្រះអង្គនេះ គឺធ្វើតាមរចនាបទជាសាសនាផ្សេងទៅវិញទេ មិនធ្វើតាមរចនាបត់របស់ខ្មែរទេ ។
លោកផង់ សុធន់ អាយុ៦៨ឆ្នាំ ជាងគំនូរនិងជាងធ្វើបដិមាករនិយាយប្រាប់ឲ្យដឹងថា ព្រះបដិមាករ៤ព្រះអង្គនេះ មិនដែលឃើញដាក់នៅក្នុងទីអារាមខ្មែរយើងទេ គេធ្វើតាមរបៀបសាសនាផ្សេង ។ លោកប្រាប់បន្តថា យើងមិនស្អប់ ឫរើសអើងសាសនាផ្សេងទេ តែបើគេយកទៅបំណងណាមួយនោះគួតែដាក់នៅកន្លែងផ្សេងឲ្យដាច់ពីវត្តខ្មែរកាន់តែល្អ ៕
លោកនាក់ យិតថូប្រធានមន្ទីរធម្មការ និងសាសនាខេត្តកំពតបានប្រាប់ឲ្យដឹងថា វត្តភ្នំកំចាយមាមិនទាន់មានច្បាប់បង្កើតជាវត្តអារាមទេ តែកកើតឈ្មោះវត្តភ្នំកំចាយមានេះព្រះសង្ឃមួយអង្គទេ ជានាក់ផ្ដើមឲ្យកើតមានជាវត្ត ។ លោកនាក់ យិតថូប្រធានមន្ទីរធម្មការខេត្តនិយាយថា ចំណែកបដិមាករ៤អង្គនេះ ពិនិត្យមើលទៅមិនតាមរចនាបត់របស់សាសនាខ្មែរយើងទេ តែលោកគ្រោង និងនិមន្តព្រះតេជគុណសុវណ្ណគង្គាគង់នៅភ្នំកំចាយមកសួនាំ ។ គេធ្លាប់បានដឹងថា បច្ចុប្បន្នវត្តភ្នំកំចាយស្ថិតនៅក្នុងដីឧទ្យានជាតិព្រះមនីវង្សបូកគោមានបដិមាក៥០០អង្គ និងមានគង់ធ្វើអំពើលោហធាតុមានតម្លៃខ្ពស់បំផុត ហើយភាគច្រើនជនជាតិវៀតណាមឡើងទៅកាន់ទីកន្លែងគោរពបូជានោះ ៕
ចែករំលែកព័តមាននេះ