ខេត្តឧត្តរមានជ័យ ៖ មនុស្ស៣នាក់រងរបួសធ្ងន់ នឹង៣នាក់ទៀតរងរបួសស្រាល ខណៈជួបគ្រោះថ្នាក់ចរាចរណ៍ជាបន្តបន្ទាប់គ្នាកាលពីថ្ងៃទី០៨ ខែធ្នូ ឆ្នាំ២០១៧ នៅតាមដងផ្លូវគ្រួសក្រហម ភូមិថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ។
ចរាចរណ៍លើកទី១- ឈ្មោះខន វិត ភេទប្រុស អាយុ១៥ឆ្នាំ រងរបួសបាក់ជើងខាងស្តាំ នឹងម្នាក់ទៀតឈ្មោះខន ណាវី ភេទស្រី រងរបួសបាក់ភ្លៅទាំង២ ហើយខាងជិះម៉ូតូ ពណ៌ខ្មៅលាយស គ្មានស្លាកលេខ បុកជាមួយនឹងរថយន្តស៊េរី៩១ ពណ៌ក្រហម ស្លាកលេខ ភ្នំពេញ២B-៩៧៧៨ បើកបញ្ច្រាសទិសគ្នា ។
ចរាចរណ៍លើកទី២ បង្កឡើងម៉ូតូនឹងម៉ូតូ បើកបរបញ្ច្រាសទិសគ្នា ជនរងគ្រោះទី១-ឈ្មោះង៉ែត គុន្ធាភេទស្រី អាយុ២៣ឆ្នាំ រងរបួសបាក់ថ្គាម ហើយសន្លប់ ទី២-ឈ្មោះសាំង ស្រីម៉ាច ភេទស្រីអាយុ២៧ឆ្នាំ ទី៣-ឈ្មោះមករា ភេទប្រុស អាយុ៥ឆ្នាំ រងរបួសស្រាល ទី៤-ឈ្មោះរឿន ប៊ុនធឿន ភេទប្រុស អាយុ២៨ឆ្នាំ រងរបួសស្រាល អ្នកទាំង៤នាក់នេះរស់នៅក្នុងភូមិ-ឃុំកើតហេតុខាងលើ ។
ប៉ូលិសផ្នែកចរាចរណ៍ស្រុកត្រពាំងប្រាសាទបានឱ្យដឹងថា ករណីគ្រោះថ្នាក់ចរាចរណ៍ទាំង២លើកនេះដោយសារតែបើកបរក្នុងល្បឿនលឿនរៀងៗខ្លួន ហើយដីហុយមើលគ្នាមិនឃើញផងទើបកើតមានគ្រោះថ្នាក់បែបនេះ ។
ក្រោយមកប៉ូលិសបាននាំយកជនរងគ្រោះទៅធ្វើការសង្គ្រោះនៅក្នុងមណ្ឌលសុខភាព ចំណែកម៉ូតូនឹងរថយន្តយកទៅរក្សាទុក្ខនៅអធិការស្រុកត្រពាំងប្រាសាទរង់ចាំធ្វើការដោះស្រាយ ៕
ចែករំលែកព័តមាននេះ