ខេត្តក្រចេះ ៖ សម្ភារប្រើប្រាស់ និងគ្រឿងឧបភោគបរិភោគមួយចំនួនត្រូវបានលោកគ្រូអ្នកគ្រូ និងសិស្សានុសិស្សនៃអនុវិទ្យាល័យក្រចេះឧបត្ថម្ភប្រគល់ជូនដល់ក្រុមនិស្សិតរបស់សម្តេចតេជោក្រុមទី៤ និងក្រុមការងារបច្ចេកទេសក្នុងក្រុមទី៧ ដែលកំពុងតែបំពេញបេសកកម្មការងារប្រវត្តិសាស្ត្រវាស់វែងដីធ្លីជូនប្រជាពលរដ្ឋក្នុងស្រុកស្នួល ។
ខេត្តក្រចេះ ៖ សម្ភារប្រើប្រាស់ និងគ្រឿងឧបភោគបរិភោគមួយចំនួនត្រូវបានលោកគ្រូអ្នកគ្រូ និងសិស្សានុសិស្សនៃអនុវិទ្យាល័យក្រចេះឧបត្ថម្ភប្រគល់ជូនដល់ក្រុមនិស្សិតរបស់សម្តេចតេជោក្រុមទី៤ និងក្រុមការងារបច្ចេកទេសក្នុងក្រុមទី៧ ដែលកំពុងតែបំពេញបេសកកម្មការងារប្រវត្តិសាស្ត្រវាស់វែងដីធ្លីជូនប្រជាពលរដ្ឋក្នុងស្រុកស្នួល ។
អំណោយជាសម្ភារទាំងនេះត្រូវបានប្រគល់ជូនដល់តំណាងក្រុមយុវជន និងក្រុមការងារបច្ចេកទេសកាលពីព្រឹកថ្ងៃទី១០ វិច្ឆិកា ២០១២ នៅក្នុងបរិវេណសាលាអនុវិទ្យាល័យក្រចេះ ក្រុងក្រចេះ ដោយមានការអញ្ជើញចូលរួមពីសំណាក់លោកធាម ហេង អនុប្រធានមន្ទីរអប់រំ យុវជន និងកីឡាខេត្ត។ លោកអ៊ុក ទំ នាយកសាលាអនុវិទ្យាល័យក្រចេះក្រុងបានឱ្យដឹងថា អំណោយជាសម្ភារដែលបានប្រគល់ជូនដល់ក្រុមយុវជនស្ម័គ្រចិត្ត និងក្រុមការងារបច្ចេកទេសនាព្រឹកនេះរួមមានមួយក្រុមទទួលបានមី១០កេស ទឹកបរិសុទ្ធ១០កេស ត្រីខ១០០កំប៉ុង និងប្រេងសាំងចំនួន៣០លីត្រ ។
លោកនាយកសាលាអនុវិទ្យាល័យក្រចេះក្រុង បានឱ្យដឹងទៀតថា សម្ភារទាំងនេះគឺបានមកពីការជួយឧបត្ថម្ភពីសំណាក់លោកគ្រូ អ្នកគ្រូ និងសិស្សានុសិស្សនៃអនុវិទ្យាល័យក្រចេះក្រុងជូនដល់ក្រុមយុវជនស្ម័គ្រចិត្តរបស់សម្តេចតេជោដែលកំពុងតែបំពេញបេសកកម្មការងារវាស់វែងដីធ្លីជូនប្រជាពលរដ្ឋយ៉ាងសកម្មនៅក្នុងស្រុកស្នួល ៕
ចែករំលែកព័តមាននេះ