«Shanghaiist» របស់ចិនផ្សាយថាអ្នកលេងអ៊ីនធើរណេតបានបង្ហាញសណ្ឋាគារមួយនៅក្នុងទីតាំងមិនអំណោយផល ដោយខុសហុងស៊ុយ ជាអគារកំពស់៨ជាន់ ស្ថិតនៅទីជនបទ ក្នុងស្រុកយៀនឈួន ខេត្តសានស៊ី ប្រទេសចិន ។ តួអគារស្ថិតនៅចំចន្លោះកណ្ដាលជ្រលងភ្នំ…
«Shanghaiist» របស់ចិនផ្សាយថាអ្នកលេងអ៊ីនធើរណេតបានបង្ហាញសណ្ឋាគារមួយនៅក្នុងទីតាំងមិនអំណោយផល ដោយខុសហុងស៊ុយ ជាអគារកំពស់៨ជាន់ ស្ថិតនៅទីជនបទ ក្នុងស្រុកយៀនឈួន ខេត្តសានស៊ី ប្រទេសចិន ។ តួអគារស្ថិតនៅចំចន្លោះកណ្ដាលជ្រលងភ្នំ ខណៈពេលពលរដ្ឋបាននិយាយចំអកថាវាមានលក្ខណៈស្រដៀងនឹងនំហេមប៊ើហ្គ័រ ។
ទោះបីជាសណ្ឋាគារនេះមានលក្ខណៈចម្លែក ប៉ុន្តែអាជា្ញធរបានចេញលិខិតអនុញ្ញាតឲ្យសាងសង់ ព្រោះនៅស្រុកយៀនឈួនមានតំបន់រាបស្មើតិចតួច ហើយខាងផ្នែកបុគ្គលិកក្នុងសណ្ឋាគារក៏បញ្ជាក់ថាអគារនេះមានសុវត្ថិភាពបំផុត ។ សណ្ឋាគារនោះស្ថិតនៅក្នុងចំណុចដែលមនុស្សមើលឃើញច្រើន អាចមានគំនិតថានឹងគ្រោះថ្នាក់ ប៉ុន្តែក៏មិនដែលឃើញកម្ទេចថ្ម ឬដីធ្លាក់ចុះទេ ។
ផ្ទុយទៅវិញវាបែរជាមានភាពស្ងប់ស្ងាត់សមស្របចំពោះអ្នកដែលចង់សម្រាកលំហែកាយ និងមិនរំខានដោយពន្លឺថ្ងៃ សក្តិសមសម្រាប់អ្នកចង់លំហែកាយក្នុងរយៈពេលយូរ៕
ចែករំលែកព័តមាននេះ