ស្ដេចចម្រៀងរ៉ុកអ៊ែនរ៉ូល បានស្លា.ប់ហើយ ដោយសារមហារីក
សារព័ត៌មានបរទេសពីក្រុងប៉សារីស កាលពីថ្ងៃទី៦ ធ្នូ ២០១៧ ផ្សាយថា លោកប្រធានាធិបតី Emmanuel Macron របស់បារាំង បានសម្តែងការសោកស្ដាយចំពោះការស្លាប់របស់លោក…
សារព័ត៌មានបរទេសពីក្រុងប៉សារីស កាលពីថ្ងៃទី៦ ធ្នូ ២០១៧ ផ្សាយថា លោកប្រធានាធិបតី Emmanuel Macron របស់បារាំង បានសម្តែងការសោកស្ដាយចំពោះការស្លាប់របស់លោក Johnny Hallyday តារាចម្រៀងរ៉ុកអ៊ែនរ៉ូល (Rock and Roll ) ដ៏ល្បីរបស់បារាំង នៅព្រឹកថ្ងៃទី៦ ធ្នូ ២០១៧ ក្រោយពីបានតស៊ូលើជំងឺមហារីកសួតអស់រយៈពេលយ៉ាងយូរក្នុងអាយុ៧៤ឆ្នាំ ។
លោក Macron បានកោតសរសើរដល់ស្នាដៃរបស់លោក Hallyday ដោយចាត់ទុកថាជាផ្នែកមួយក្នុងស្ថានភាពរស់នៅរបស់ពលរដ្ឋបារាំង អស់រយៈពេលជាងពាក់កណ្ដាលសតវត្សកន្លងមក ។
លោក Hallyday មានឈ្មោះពិត «ហ្សង់-ហ្វ៊ីលីប សាមេត» កើតនៅថ្ងៃទី១៥ មិថុនា ឆ្នាំ១៩៤៣ក្នុងទីក្រុងប៉ារីស ហើយចូលប្រឡូកក្នុងមជ្ឈដ្ឋានចម្រៀងនៅឆ្នាំ១៩៥៩ ។ បទចម្រៀងរបស់លោកដំណាក់កាលដំបូងជាភាសាបារាំង ក្រោយមកវិវឍ្ឍជាភាសាអង់គ្លេស ។
លោក Hallyday បានទទួលគ្រឿងឥស្សរិយយសពីលោកប្រធានាធិបតីហ្សាក់ ស៊ីរ៉ាក់ នៅឆ្នាំ១៩៩៧ ក្នុងនាមជាបុគ្គលមានគុណូបការៈលើការអភិវឌ្ឈ និងផ្សព្វផ្សាយសិល្បៈវប្បធម៌របស់បារាំង ៕
ចែករំលែកព័តមាននេះ