រាជធានីភ្នំពេញ ៖ ក្រុមអត្តពលិកតេក្វាន់ដូជម្រើសជាតិកម្ពុជា បានឈ្នះមេដាយកម្រិតពិភពលោកចំនួន៣គ្រឿងគឺមាស២គ្រឿង និងប្រាក់១គ្រឿងពីព្រឹត្តិការណ៍ប្រកួតជ្រើសរើសជើងឯក World Taekwando Championship of the…
រាជធានីភ្នំពេញ ៖ ក្រុមអត្តពលិកតេក្វាន់ដូជម្រើសជាតិកម្ពុជា បានឈ្នះមេដាយកម្រិតពិភពលោកចំនួន៣គ្រឿងគឺមាស២គ្រឿង និងប្រាក់១គ្រឿងពីព្រឹត្តិការណ៍ប្រកួតជ្រើសរើសជើងឯក World Taekwando Championship of the Ambassador’s Cup ឆ្នាំ២០១៧ នៅប្រទេសកូរ៉េខាងត្បូង ។
នេះបើយោងតាមគេហទំព័រក្នុងស្រុកមួយចុះផ្សាយកាលពីព្រឹកថ្ងៃទី៧ ធ្នូ ដោយដកស្រង់សម្ដីលោក ជាតិ ខេមរា គ្រូបង្វឹកក្រុមជម្រើសជាតិ និងជាអ្នកដឹកនាំអត្តពលិកកម្ពុជាទៅចូលរួមប្រកួតក្នុងព្រឹត្តិការណ៍អន្ដរជាតិមួយនេះ។
លោក ជាតិ ខេមរា បានឲ្យដឹងថា ព្រឹត្តិ ការណ៍ World Taekwando Championship of the Ambassador’s Cup 2017 ដែលកូរ៉េខាងត្បូងធ្វើជាម្ចាស់ផ្ទះនេះ គឺមានកីឡាករ-កីឡាការិនីជា៥០នាក់មកពី២៥ប្រទេសលើពិភពលោកចូលរួម ដែលការប្រកួតនេះធ្វើឡើងចាប់ពីថ្ងៃទី៤ដល់ថ្ងៃទី៨ ខែធ្នូ ឆ្នាំ២០១៧ នៅទីក្រុងសេអ៊ូល ។
ជាលទ្ធផល ក្រុមអត្តពលិកកម្ពុជា ដណ្ដើមបានមេដាយ៣គ្រឿងក្នុងនោះមេដាយមាស២ គ្រឿងដណ្ដើមបានដោយកីឡាករ ផល វុណ្ណាត និងកីឡាការិនី ស៊ឹម រចនា និងមេដាយប្រាក់១គ្រឿងរកបានដោយកីឡាករ ទួន ណាវុធ ៕
ចែករំលែកព័តមាននេះ