សមាសភាពគូប្រកួតប្រដាល់មិត្តភាពកម្ពុជា-ថៃនៅលើសង្វៀនថ្ងៃសុក្រនេះ
- ភ្នំពេញ
រាជធានីភ្នំពេញ ៖ នៅលើសង្វៀនទូរទស្សន៍ MyTv ថ្ងៃសុក្រ ទី៨ ធ្នូនេះ កម្មវិធីប្រកួត ប្រដាល់ Ganzberg…
រាជធានីភ្នំពេញ ៖ នៅលើសង្វៀនទូរទស្សន៍ MyTv ថ្ងៃសុក្រ ទី៨ ធ្នូនេះ កម្មវិធីប្រកួត
ប្រដាល់ Ganzberg Uber Fighters ដល់កំណត់ត្រូវប្រកួតមិត្តភាពរវាងកីឡាករកម្ពុជា២រូបនិងកីឡាករថៃ២រូបដែលសុទ្ធតែជាជើងខ្លាំងដូចគ្នានៅក្នុងពិភពប្រដាល់ ។
កីឡាករ ឡុង ជិន មកពីក្លិបខ្លារខិនមានរិទ្ធ ត្រូវជួបប្រកួតជាមួយកីឡាករថៃឈ្មោះម៉ាម៉ៃ ស៊ីតយ៉តឈាន ក្នុងប្រភេទទម្ងន់៥៧គីឡូក្រាម ។ កីឡាករកម្ពុជារូបនេះធ្លាប់ប្រកួត៤៨ដង ឈ្នះ៣៦ដង ចាញ់៩ដង ស្មើ៣ដង និងធ្លាប់ផ្ដួលគូប្រកួតឱ្យសន្លប់១២ដង ក្នុងពេលកីឡាករថៃធ្លាប់ប្រកួត៩៤ដងឈ្នះ៦២ដង ចាញ់៣១ដង ស្មើ៥ដង និងធ្លាប់ផ្ដួលគូប្រកួតឱ្យសន្លប់បាន១០ដង ។ ទោះបីកីឡាករថៃមានប្រវត្តិប្រកួតច្រើនជាងពាក់កណ្តាលក៏មិនត្រូវមើលស្រាលកីឡាករកម្ពុជានោះដែរ ដោយសារតែពួកគេទាំង២មិនធ្លាប់ជួបប្រកួតគ្នាដូច្នេះអ្នកណាខ្លាំងជាងអ្នកណាមិនទាន់ដឹងច្បាស់នៅឡើយទេ ។
មួយគូទៀតកីឡាករ មឿន សុខហ៊ុច មកពីក្លិបពុទ្ធសិរីវង្សពោធិសែនជ័យ ត្រូវជួបប្រកួត
ជាមួយកីឡាករថៃឈ្មោះចៅប៊យ ស.សុផាត ក្នុងប្រភេទទម្ងន់៦៥គីឡូក្រាម ។ អ្នកប្រដាល់ថៃរូបនេះមិនធ្លាប់មកប្រកួតនៅស្រុកខ្មែរពីមុនមកទេ រីឯបទពិសោធន៍ប្រកួតនៅលើសង្វៀនរបស់គេក៏មិនធម្មតាប៉ុន្មានដែរ ។ តាមការឱ្យដឹងពីគណៈកម្មការរៀបចំការប្រកួត កីឡាករថៃម្នាក់នេះធ្លាប់ប្រកួតបានរហូតដល់ទៅ៩០ដង ឈ្នះ៦៥ដង ចាញ់២០ដង ស្មើ៥ដង និងធ្លាប់ផ្ដួលគូប្រកួតឱ្យសន្លប់បាន១២ដង ។ ចំណែក មឿន សុខហ៊ុច ធ្លាប់ប្រកួតបានរហូតដល់ទៅ១០៥ដង ឈ្នះ៧៦ដង ចាញ់២៤ដង ស្មើ៥ដង និងផ្ដួលគូប្រកួតឱ្យសន្លប់បាន១៥ដង ។ ចាំមើលមឿន សុខហ៊ុច អាចយកឈ្នះអ្នកប្រដាល់ឆ្លងដែនមកពីថៃរូបនេះបានឬអត់ ព្រោះបើតាមតែគេធ្លាប់ដឹង មឿន សុខហ៊ុច ជាអ្នកប្រដាល់ជើងចាស់មួយរូបដែលមានបទពិសោធន៍ប្រកួតជាមួយថៃមិនតិចឆ្នាំនោះទេ អាចធ្វើឱ្យអ្នកគាំទ្រទុកចិត្តបាន ។
ចំណែកគូប្រកួតមិត្តភាពធម្មតាវិញនោះកីឡាករ ឈាន រស្មី មកពីក្លិបតាឡីដំរីមាន
រិទ្ធ ត្រូវប្រកួតជាមួយកីឡាករ ផន ភឿត មកពីក្លិបឃ្លាំងមឿងកីឡា និងកីឡាករ ង៉ែត វុធ មកពីក្លិបកងទ័ពពិសេសឆត្រយោង៩១១ ប្រកួតជាមួយកីឡាករ គឿម សុវណ្ណនឿត
មកពីក្លិបឃ្លាំងមឿងកីឡា ៕
ចែករំលែកព័តមាននេះ