ទីក្រុងហូជីមិញ ៖ កាលពីថ្ងៃអង្គារកន្លងមក អ្នកជំនាញបានស្នើឲ្យមានដំណោះស្រាយសម្រាប់ការអភិវឌ្ឍវិស័យវាយោអគ្គិសនីក្នុងប្រទេសវៀតណាម ។
ក្រុមហ៊ុនមកពីប្រទេសដាណឺម៉ាក Vestas Wind Systems បានសហការជាមួយក្រសួងឧស្សាហកម្ម និងពាណិជ្ជកម្ម រៀបចំសិក្ខាសាលាមួយដើម្បីទាក់ទាញអ្នកជំនាញបរទេសផ្នែកវាយោអគ្គិសនី តំណាងអង្គការ និងភ្នាក់ងារជាច្រើនទៀត ។
លោក Nguyen Ngoc Hung មកពីវិទ្យាស្ថានថាមពលក្នុងក្រសួងខាងលើ និយាយថា វៀតណាមបានក្លាយជាប្រទេសនាំចូលថាមពលតាំងពីឆ្នាំ២០១៥មក ។
ប៉ុន្តែតាមការព្យាករថា ប្រទេសវៀតណាមអាចនឹងមើលឃើញថាមពលវាយោអគ្គិសនីរបស់ខ្លួនលូតលាស់បាន៧% ក្នុងរវាងឆ្នាំ២០១៧ ដល់២០៣៥ តាមរយៈការប្រមូលមូលនិធិ និងបង្កើនប្រសិទ្ធភាពការប្រើប្រាស់ធនធាន ។
ប្រទេសវៀតណាមមានគម្រោងវាយោអគ្គិសនីចំនួន៤ នៅក្នុងខេត្ត Bac Lieu, Binh Dinh និង Binh Thuan ។ គម្រោងវាយោអគ្គិសនីប្រមាណ៥០ បានចុះក្នុងបញ្ជីរួចរាល់ ។
លោក Otto Vinther Christensen ប្រធានផ្នែកវិនិយោគក្នុង IFU និយាយថា វៀតណាមគួរតែសិក្សាពីប្រទេសដទៃ ដែលធ្លាប់បានវិនិយោគលើវិស័យវាយោអគ្គិសនីនេះ។
លោកបន្តថា ៖« វាសំខាន់ណាស់ដើម្បីជៀសវាងភាពស្មុគស្មាញផ្នែករត់ការ និងច្បាប់ ហើយគួរគ្រប់គ្រងគម្រោងនេះឲ្យបានខ្លាំងក្លា, មានចំណេះដឹងស្វែងរកហិរញ្ញវត្ថុក្នុងស្រុកសម្រាប់គម្រោង, ដោះស្រាយបញ្ហាហេដ្ឋារចនាសម្ព័ន្ធ និងប្រើប្រាស់ពលកម្មតម្លៃទាបឲ្យមានប្រសិទ្ធភាព » ៕
ចែករំលែកព័តមាននេះ