ខេត្តកំពង់ស្ពឺ ៖ សេចក្តីរាយការណ៍បឋមបានឲ្យដឹងថា គ្រោះថ្នាក់ចរាចរណ៍រវាងរថយន្ដប៉ះរថយន្ដ ដែលកើតឡើងនៅថ្ងៃទី០៨ ខែធ្នូ ឆ្នាំ២០១៧ វេលាម៉ោង៦និង២០នាទីព្រឹក នៅលើផ្លូវជាតិលេខ៤១ ចន្លោះគីឡូម៉ែត្រ លេខ២៦-២៧ ត្រង់ចំណុចភូមិអណ្ដូងច្រុះ ឃុំស្នំក្រពើ ស្រុកគងពិសី ខេត្តកំពង់ស្ពឺ ។
មានរថយន្ដដឹកកម្មករ០១គ្រឿង ពណ៌សឆ្នូតខៀវ ពាក់ស្លាកលេខ ភ្នំពេញ២AG-៥៤១១ មិនទាន់ស្គាល់ឈ្មោះ និងអាស័យដ្ឋានអ្នកបើកបរ ដែលបើកមកពីទិសខាងត្បូងទៅទិសខាងជើង។
លុះបើកទៅដល់ត្រង់ចំណុចដូចខាងលើ បានទៅប៉ះរថយន្ដ០១គ្រឿង ពណ៌ត្រីអ៊ី ពាក់ស្លាកលេខខេមរភូមិន្ទ១. ៣-៥៦៣៧ មិនទាន់ស្គាល់ឈ្មោះដែរ និងអាស័យដ្ឋានអ្នកបើកបរ ដែលកំពុងតែបើកបរបញ្ច្រាសទិសគ្នា បណ្ដាលឱ្យគ្រោះថ្នាក់មនុស្ស និងខូចខាតសម្ភារដូចជា ស្លាប់កម្មករ ០១នាក់ស្រី របួស១៦នាក់ស្រី ធ្ងន់០៦នាក់ ខូចរថយន្ដ០២គ្រឿង ធ្ងន់០១គ្រឿង ករណីនេះកំពុងស្រាវជ្រាវបន្ត ៕
ចែករំលែកព័តមាននេះ