ខេត្តព្រៃវែង ៖ បុរសម្នាក់បានប្រើល្បិចលួងក្មេងស្រីអាយុ១២ឆ្នាំ ឲ្យជិះម៉ូតូទៅជាមួយខ្លួន ដោយកុហកថាខ្លួនបានភ្លេចឆ្នាំងសាកទូរស័ព្ទនៅរោងចាំស្រូវ ហើយក៏ចាប់រំលោភបានសម្រេចរួចរត់គេចខ្លួនបាត់។ ករណីនេះបានកើតឡើងកាលពីវេលាម៉ោង៩ និង៥០នាទីយប់ ថ្ងៃទី៦ ខែធ្នូ ឆ្នាំ២០១៧ នៅចំណុចរោងចាំស្រូវទួលសង្កែ ស្ថិតក្នុងភូមិជើងទឹក ឃុំរោងដំរី ស្រុកបាភ្នំ ខេត្តព្រៃវែង។ សមត្ថកិច្ចបានឲ្យដឹងថា យុវជនម្នាក់ពេលកំពុងអង្គុយមើលទូរទស្សន៍ ជាមួយជនរងគ្រោះ ដោយកើតអារម្មណ៍ចង់រួមភេទ ក៏ប្រើល្បិចលួងលោមជនរងគ្រោះឲ្យជូនទៅរកឆ្នាំងសាកទូរស័ព្ទ នៅកន្លែងចាំស្រូវ ឃើញឱកាសល្អទើបរំលោភបានសម្រេច ហើយរត់គេចបាត់។
ប្រភពបន្តថា ជនសង្ស័យមានឈ្មោះ ហេង បញ្ញា ភេទប្រុស អាយុ២២ឆ្នាំ រស់នៅភូមិក្តីដូង ឃុំរោងដំរី ស្រុកបាភ្នំ ខេត្តព្រៃវែង។ រីឯជនរងគ្រោះ ឈ្មោះ (ចឆជឈ) ភេទស្រី អាយុ១២ឆ្នាំ។ ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុមូលហេតុគឺ ជនរងគ្រោះ និងជនសង្ស័យ បានអង្គុយមើលទូរទស្សន៍នៅផ្ទះឈ្មោះ ប៉ុល ឡា ភេទប្រុស អាយុ៣៥ឆ្នាំ ជាប់នឹងផ្ទះជនរងគ្រោះ។
បន្ទាប់មកជនសង្ស័យបានប្រើល្បិចលួងលោមថា ខ្លួនភ្លេចឆ្នាំងសាកទូរស័ព្ទនៅរោងចាំស្រូវទួលសង្កែ ដោយឲ្យជនរងគ្រោះ ជូនទៅជួយរក ហើយជនរងគ្រោះ និងជនសង្ស័យក៏បានជិះម៉ូតូទៅកន្លែងកើតហេតុ គាប់ជួនឱកាសល្អ ជនសង្ស័យក៏បានចាប់រំលោភជនរងគ្រោះបានសម្រេចតែម្តង។ បន្ទាប់មកជនល្មើសរត់គេចខ្លួនបាត់ ខណៈឪពុកម្តាយជនរងគ្រោះ ទៅធ្វើកម្មករនៅភ្នំពេញ ចំណែកជនរងគ្រោះនៅផ្ទះតែ២នាក់ជីដូន។ បច្ចុប្បន្នសមត្ថកិច្ចកំពុងស្រាវជ្រាវស្វែងរកចាប់ខ្លួនជនសង្ស័យ ដើម្បមកដាក់ទោសតាមផ្លូវច្បាប់៕
ចែករំលែកព័តមាននេះ