«Independent» កាលពីពេល ថ្មីៗកន្លងមកផ្សាយថា នាងRebecca មានទម្ងន់១០៨គីឡូក្រាម បានសម្រកទម្ងន់តាមវិធីសាស្ត្រយ៉ាងងាយស្រួលចំនួន៣យ៉ាងគឺ គណនាចំនួនកាឡូរី ទទួលទាន និងហាត់ប្រាណ ។ រយៈពេល២ឆ្នាំក្រោយមកកិច្ចព្យាយាមរបស់នាងទទួលបានលទ្ធផលល្អដោយស្រកទម្ងន់បាន៤៤គីឡូក្រាម។ អ្វីដែលនាង Rebecca ប្រតិបត្តិលើកដំបូងគឺការគណនាចំនួនកាឡូរី បច្ចុប្បន្នគឺជារឿងដ៏ងាយស្រួលមួយអាចអនុវត្តបាន រួមទាំងគ្រប់គ្រងការទទួលទានចំណីអាហារដើម្បីសុខភាព ។
ក្រៅពីនេះអ្វីដែលសំខាន់នោះ គឺការហាត់ប្រាណត្រូវប្រតិបត្តិជារៀងរាល់ថ្ងៃ ត្រូវចំណាយពេលលើតួនាទីនេះក្នុងមួយថ្ងៃប្រហែល១ម៉ោង ដោយធាក់កង់ក្នុងរយៈចម្ងាយ៥ទៅ១០គីឡូម៉ែត្រ ឬអាចប្រតិបត្តិតាមឧបករណ៍ហាត់ប្រាណដោយរត់លើម៉ាស៊ីននៅឯផ្ទះ ។
នាង Rebeccaបញ្ជាក់ថា ការសម្រកទម្ងន់គឺជារឿងមានសារសំខាន់មួយធ្វើឱ្យរូបរាងស្រស់ស្អាត និងជាកម្លាំងចិត្តជួយឱ្យខ្លួនប្រាណមានសុខភាពល្អ គ្មានការនឿយណាយ។ ស្របពេលជាមួយគ្នានេះ ការបាត់បង់ជាតិខ្លាញ់ក្នុងខ្លួនអាចធ្វើឱ្យមុខមាត់មានលក្ខណៈស្រស់ស្រាយ រហូតម្តាយរបស់ខ្លួនចាំរូបរាងកូនស្រីមិនបានទៀតផង ។ អ្វីដែលល្អក្រៅពីសុខភាពនោះ វាបានធ្វើឱ្យខ្លួនមានទំនុកចិត ្តនិងជឿជាក់លើការស្លៀកឈុតប៊ីគីនី ។
ចំពោះរូបភាពដែលបង្ហាញនេះ គឺជាផ្នែកមួយបង្កើតជាកម្លាំងចិត្តដល់អ្នកផ្សេងដែលមានរូបរាងធាត់គួរសម្រកទម្ងន់តាមរបៀបនេះ ៕
ចែករំលែកព័តមាននេះ