តាមប្រភពព័ត៌មាន Daily Mail បានឲ្យដឹងថា កីឡាករជើងខ្លាំង Lionel Messi បានសម្រេចចិត្តបន្តកុងត្រារបស់ខ្លួននៅក្លឹបចាស់អ្នកមានបុណ្យ Barcelona ដោយប្រកែកមិនយកការទិញពី Manchester City ក្នុងតម្លៃ១១៧លានដុល្លារ ។
ជាមួយនឹងកុងត្រាថ្មីរវាង Messi និង Barcelona កីឡាករជើងចាស់ប្រចាំក្រុម Messi អាចទទួលប្រាក់នឿយហត់ក្នុងមួយអាទិត្យជិត១លានដុល្លារកន្លះ ។
កិច្ចសន្យាកុងត្រាខាងលើនេះ មានសពុលភាពដល់ឆ្នាំ២០២១ ។ ចំពោះការចុះកុងត្រាលើកនេះ ធ្វើឲ្យ Messi អាចទទួលបានថ្លៃទឹកប៊ិច១១៨លានដុល្លារ ជាសំណងសម្រាប់បញ្ហាពន្ធនៅប្រទេសអេស្ប៉ាញ ។
ប្រាក់បៀវត្សរ៍របស់ Messi ទទួលបាន៨០លានដុល្លារក្នុងមួយឆ្នាំ ដែលក្នុងមួយសប្តាហ៍បានមួយលានកន្លះ ។ ក្រៅពីនេះគេអាចទទួលសិទ្ធិផ្តាច់មុខលើការលក់រូបភាពទៀតផង ។ ជារួមគឺថ្លៃចុះកុងត្រាលើកនេះមានតម្លៃសរុប ៥៣១លានដុល្លារ ។ នេះសមនឹង Messi ថាទេចំពោះ Manchester City មែន ៕
ចែករំលែកព័តមាននេះ