ខេត្តតាកែវ ៖ បើទោះជាកម្លាំងប៉ូលិសស្រុកគីរីវង់បានធ្វើសកម្មភាពចុះដក និងដុតបំផ្លាញដំណាំកញ្ឆាដែលប្រជាពលរដ្ឋបានលួចលាក់ដាំជាញឹកញាប់បែបណា ក៏ដោយមានប្រជាពលរដ្ឋ ហាក់មិនញញើតច្បាប់នៅតែបន្តលួចលាក់ដាំដដែល ហើយករណីប្រជាពលរដ្ឋដែលជាជនខិលខូចនៅតែបន្តលួចលាក់ដាំ បណ្តាលមកពីដាំដំណាំកញ្ឆាមានទីផ្សារ នៅឯស្រុកយូន តែទោះជាយ៉ាងនេះក្តីប៉ូលិសស្រុកគីរីវង់នៅតែបន្តចុះដក រួចដុតបំផ្លាញចោលដូចភ្លៀងរលឹម ។
ជាក់ស្តែងនៅថ្ងៃទី០៧ ខែធ្នូ ឆ្នាំ២០១៧ នៅចំណុចជ្រោះឃ្លៃដាក្រឡាញ់ ដុបតាលឹម ក្នុងភូមិជ្រោយឃុំព្រះបាទជាន់ស្រុកគីរីវង់ ។
លោកវរសេនីឯក យ៉ុគ សារ៉ាត់ អធិការនគរបាលស្រុកគីរីវង់បានឲ្យដឹងថា ក្រោមការចង្អុលបង្ហាញពីសំណាកលោកឧត្តមសេនីយ៍ទោសុខ សំណាង ស្នងការនគរបាលខេត្តតាកែវ ចូលរួមពីនាយការិយាល័យគ្រឿងញៀនខេត្តផង លោកបានបែងចែកកម្លាំងជា២ក្រុមខុសៗគ្នា សរុបចំនួន៦៨នាក់បានចុះបង្ក្រាបដំណាំកញ្ឆាខុសច្បាប់សមត្ថកិច្ចបំផ្លាញចោលមានចំនួន៤០ទីតាំង ស្មើ១២.៥៤១ដើមអណ្តូងប្រស់ទឹក ចំនួន៦២អណ្តូង ដែលមានផ្ទៃដីសរុប៤.៣៧៧ម៉ែត្រការ៉េ ។
បច្ចុប្បន្នកម្លាំងជំនាញកំពុងស្រាវជ្រាវស្វែងរកម្ចាស់អ្នកដាំដំណាំកញ្ឆា ដើម្បីយកមកផ្តន្ទាទោសតាមច្បាប់ ។
លោកអធិការនគរបាលស្រុកបានបញ្ជាក់ថា នៅទូទាំងស្រុកមានតែភូមិ-ឃុំខាងលើនេះគត់ដែលមានភូមិសាស្ត្រស្មុគស្មាញព្រែភ្នំទើបធ្វើឲ្យមានលក្ខណៈងាយស្រួលដល់ជនខឹលខូចលួចដាំណាំកញ្ឆាបានយ៉ាងងាយ ហើយនៅពេលដែលកម្លាំងចុះទៅដក និងដុតបំផ្លាញចោលនេះយើងមិនអាចរកមុខម្ចាស់ដាំដំណាំកញ្ឆានេះឃើញឡើយ ហើយរាល់ពេលកម្លាំងយើងចុះដកដំណាំកញ្ឆាខុសច្បាប់នេះរាល់លើកយើងតែងតែដុតបំផ្លាញចោលនៅនឹងកន្លែងតែម្តង ៕
ចែករំលែកព័តមាននេះ