បុរសតិចសាស់ម្នាក់ត្រូវកាត់ក្តីឱ្យជាប់គុក១០០០ឆ្នាំពីបទល្មើសលើផ្លូវភេទក្មេងស្រី២នាក់ ។ ក្រៅពីជាប់គុករយៈពេល១០០០ឆ្នាំនោះ លោកRobert Benjamin Franks អាយុ៣៩ឆ្នាំ ត្រូវជាប់គុកអស់មួយជីវិតចំនួន២លើក រួមទាំងពិន័យជាប្រាក់១២០.០០០ដុល្លារ ពីបទរំលោភក្មេងស្រី និងប្រព្រឹត្តអសីលធម៌ទៅលើកុមារ ។
អាជ្ញាធរបញ្ជាក់ថា លោកFranks បានល្មើសលើផ្លូវភេទក្មេងស្រី២នាក់អស់រយៈពេលជាច្រើនឆ្នាំ ដោយក្មេងស្រីរងគ្រោះមានអាយុ៩ឆ្នាំ និង១០ឆ្នាំ ។
កាលពីខែមិថុនាឆ្នាំមុន កូនធម៌អាយុ៩ឆ្នាំរបស់លោកFranks បានឆ្លើយថា លោកFranks បានប្រព្រឹត្តបទល្មើសគួរឱ្យស្អប់ខ្ពើម ខណៈពេលរូបនាងនៅផ្ទះ ។ ក្មេងស្រីរូបនោះបញ្ជាក់ប្រាប់ប៉ូលិសថា លោក Franks បានវាយកំប៉េះគូទនិងបង្ខំឱ្យបងស្រីរបស់នាងអាយុ១០ឆ្នាំធ្វើអូរ៉ាល់សិច ។
ក្មេងស្រីអាយុ១០ឆ្នាំនោះក្នុងដំណាក់កាលដំបូងបានបដិសេធពីការរួមរ័ក ប៉ុន្តែនៅពេលត្រួតពិនិត្យពីអ្នកជំនាញ នាងបានបញ្ជាក់ថា ខ្លួនរងការចាប់រំលោភអស់រយៈពេលជាច្រើនឆ្នាំមក ។
ក្នុងពេលបើកសវនាការចៅក្រមទទួលបានទិន្នន័យបន្ថែមពីប្អូនស្រីរបស់លោក Framks ដែលចោទប្រកាន់ថាធ្លាប់ប្រព្រឹត្តបទល្មើសផ្នែកផ្លូវភេទនៅពេលនាងមានអាយុ១០ឆ្នាំ កាលណោះ Framks មានអាយុ១៤ឆ្នាំ និងបានល្មើសលើផ្លូវភេទម្តងទៀតក្នុងពេលនាងអាយុ១៦ឆ្នាំ ចំណែក Framks អាយុ២០ឆ្នាំ ៕
ចែករំលែកព័តមាននេះ