រាជធានីភ្នំពេញ ៖ បុរសម្នាក់ស្រវឹងស្រាជោកជាំបើករថយន្តបង្កមួយគ្រឿង ពណ៌ខៀវ បើកក្នុងល្បឿនលឿនស្រវឹងធ្លាក់ភ្នែកងោកមួយភាំងរេចង្កូតជ្រុលទៅបុកបង្គោលភ្លើងបណ្តាលឱ្យខ្ទេចមួយកំណាត់ខាងមុខនឹងបែកកង់ខាងស្តាំ ហេតុការណ៍នេះបានកើតឡើងកាលពីវេលាម៉ោង១១និង១០នាទីយប់ ថ្ងៃទី៦ ខែធ្នូ ឆ្នាំ២០១៧ នៅចំណុចក្បែររ៉ារទះភ្លើងស្ថិតនៅក្នុងសង្កាត់ស្រះចក ខណ្ឌដូនពេញ ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញបុរសម្នាក់បើករថយន្ត ពណ៌ខៀវ ពាក់ស្លាកលេខ ភ្នំពេញ ២AF-៣១០៤ ក្នុងទិសដៅពីកើតទៅលិចក្នុងស្ថានភាពស្រវឹងស្រាជោកជាំបើករថយន្តក្នុងល្បឿនយ៉ាងលឿន ខណៈមកដល់ចំណុចកើតខាងលើអ្នកបើកបររថយន្តងងុយដេកងោកមួយភាំងរេចង្កូតជ្រុលទៅបុកបង្គោលភ្លើងបណ្តាលឲ្យវៀចខូចខាតខ្ទេចអស់មួយកំណាត់ខាងមុខធ្លាក់កាងមុខបែកកង់ខាងស្តាំ ភ្លាមៗនោះដែររថយន្តបង្កបំរុងនឹងបើករត់គេចខ្លួនត្រូវបានក្រុមសន្តិសុខដែលយាមនៅទេនោះគាត់នាំគ្នាយកបារាសយកទៅបិទទាំងមុខទាំងក្រោយ ។
ក្រោយពេលកើតហេតុម្ចាស់រថយន្តបង្កត្រូវបានសមត្ថកិច្ចឃាត់ខ្លួន ចំណែកឯរថយន្តបង្កវិញត្រូវបានសមត្ថកិច្ចចំនាញចរាចរណ៍វាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ